About company
Qafqazda ən böyük mərkəz olan Bakı Konqres Mərkəzi, tədbirlərin ən yüksək beynəlxalq səviyyədə keçirilməsini təmin edən ultramüasir məkandır. Asanlıqla uyğunlaşdırılan çoxsaylı konfrans zalları, o cümlədən, maksimal tutumu 3500 yer təşkil edən əsas zalı, konqreslər, konfranslar, seminarlar, işgüzar görüşlər, konsertlər və digər tədbirlərin keçirilməsi üçün geniş imkanlar təqdim edir. Sahəsi 46 000 m2 təşkil edən bina, bütün lazımi infrastrukturla təchiz olunub. Foyedə quraşdırılmış böyük, çoxpikselli monitor, binanın fərqləndirici xüsusiyyətidir. Bakı Konqres Mərkəzində ümumi tutumu 2500 nəfərə qədər təşkil edən 17 konfrans zalı fəaliyyət göstərir. Konfrans otaqları və auditoriyadan başqa burada işgüzar görüşlər və təlimlər üçün nəzərdə tutulmuş məkanlar var.