О компании
1991-ci ildən başlayaraq Azərbaycanda qida istehsalı və kənd təsərrüfatı sahəsində fəaliyyət göstərən, ölkənin qabaqcıl şirkəti “Azersun Holding” 2011-ci ildə növbəti uğurlu layihəsini həyata keçirərək pərakəndə sektoruna böyük bir töhvə verdi və Bazarstore Mağazalar Şəbəkəsini yaratdı. Artıq 9 ildir ki, Bazarstore Azərbaycanda pərakəndə sahəsinin öndəri və söz sahibi missiyasını davam etdirir. Ölkənin ən geniş coğrafiyasında xidmət göstərən Bazarstore Bakı mağazaları ilə yanaşı Sumqayıt, Gəncə, Mingəçevir, Lənkəran, Şəmkir, Qəbələ, Bərdə, İmişli, Şəki, Zaqatala, Sabirabad, Masallı, Tovuz, Cəlilabad şəhərlərində də fəaliyyət göstərir.
Qurulduğu gündən etibarən müştəri ehtiyac və tələblərinə, təzəliyə, güvənirliyə, sərfəli qiymətə və bol çeşidə fokuslanan Bazarstore pərakəndə sektorunda Azərbaycanın ən böyük supermarket şəbəkələrindən biridir.