О компании
Hippokrat MMC keyfiyyətli əczaçılıq və səhiyyə məhsullarının distribütorluğu ilə məşhur olan Azərbaycan Respublikasının güclü şirkətlərindən biridir.
Şirkət əczaçılıq məhsullarının – tibbi avadanlıqlar, optik linzalar və aksesuarlar, müxtəlif sağlamlıq məhsulları, gigiyenik, dezinfeksiya, peşəkar və müalicəvi kosmetik məhsullar, o cümlədən kosmetik vasitələrin idxalı və satışı ilə məşğuldur. Xəstəxanalarda, apteklərdə və özəl klinikalarda, estetik mərkəzlərdə həkimlər arasında reklam-marketinq fəaliyyətini həyata keçirir və eyni zamanda, Hippokrat MMC həkimlər üçün elmi seminarlar və konfranslar, həmçinin dəvət olunmuş xarici mühazirəçi və təlimçilər ilə həkim-kosmetoloqlar üçün konfrans və treninqlər təşkil edir. Əlavə olaraq həkim və kosmetoloqların Beynəlxalq Elmi Konfrans və Təlimlərdə iştirak edə bilmələri üçün onların xaricə səfərlərinə sponsorluq edir və ya təşkil edir.
Fəaliyyət göstərdiyi qısa müddət ərzində Hippokrat MMC beynəlxalq təşkilatlar tərəfindən tanınan bir çox mükafatlarla təltif olunmuşdur. “Qlobal Reytinq Liderləri” Beynəlxalq Ekspert Şurasının 23 may 2003-cü il tarixli qərarı ilə Hippokrat MMC 73 ölkənin 100 görkəmli şirkəti arasında Beynəlxalq Şərəf Mükafatına – “Beynəlxalq Qızıl Mükafat”a layiq görülmüşdür. 18 dekabr 2003-cü il tarixində Biznes Təcrübəsində Mükəmməlliyə görə Qızıl Medal ilə birlikdə Biznes Təcrübəsində Mükəmməllik Fondunun “Nizamnamə Üzvü” təyin olunmaq hüququ qazanmışdır.