Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə ABB komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.
- Cənubi Qafqazın ən böyük bankında işləmək imkanı;
- beynəlxalq standartları yerli bazara gətirən qurumda potensialınızı reallaşdırmaq şansı;
- rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
- peşəkar kollektivdə çalışmağın üstünlüyü;
- yüksək komanda ruhunda əməkdaşlıq;
- karyera irəliləyişlərində hamıya yaradılan bərabər imkanlar;
- Bankda həyata keçirilən transformasiya prosesində zəngin təcrübənin qazanılması;
- əməkdaşların yeni trendlərə uyğun təşkil olunan daxili və xarici təlimlərdə iştirak;
- əməkdaşların beynəlxalq sertifikatlar əldə etməsi üçün həvəsləndirmə proqramı;
- Bankdaxili aktiv sosial həyat.
Görəcəyiniz işlər:
- Bankın Aktiv və Passivlərinin İdarəolunmasında, o cümlədən, departamentin fəaliyyəti üzrə likvidliyin və vəsaitlərin səmərəli idarə edilməsini, faiz dərəcəsi və likvidlik risklərinini idarə edilməsində iştirak etmək;
- Bankın aktiv və passivlərinin proqnozlaşdırılması ilə xalis faiz gəlirinin artırılması və vəsaitlərin səmərəli idarə edilməsi üzrə proqnozlar vermək və rəhbərliyə təkliflər vermək;
- Makroiqtisadi dəyişikliklər, bazar tendensiyaları və potensial requlyativ tələblər üzrə araşdırmalar aparmaq, bankın strateji fəaliyyətinə təsir edəcək amilləri təhlil etmək və qabaqlayıcı həll yolları hazırlamaq;
- Bankın gündəlik likvidliyinin idarə edilməsi və likvidlik əmsalların hesablanması ilə requlyativ normalara riayət olunmasını təmin etmək;
- Balansın idarə edilməsi məqsədilə ticarət əməliyyatlarının həyata keçirilməsi üçün Bazar əməliyyatları komandasına tövsiyyələr vermək və icrasını izləmək;
- Bloomberg ticarət platforması vasitəsilə bazar əməliyyatlarının monitorinqini aparmaq, effektivliyini və balans idarəetməsinə təsirini qiymətləndirmək;
- Bankın balansını optimallaşdırmaq üçün likvidlik, faiz dərəcəsi və digər maliyyə alətlərindən istifadə edərək əməliyyatların koordinasiyasını təmin etmək;
- Aktiv və Passivlərin İdarəedilməsi üzrə daxili qaydalar, metodologiyalar və çərçivələrin hazırlanmasında iştirak etmək və onların bankın strateji məqsədlərinə uyğun şəkildə tətbiqini təmin etmək;
- Müvafiq olaraq likvidlik, faiz dərəcəsi riski və bankın balansı ilə bağlı müxtəlif ssenarilər üzrə stress-testlərin həyata keçirilməsini təmin etmək və rəhbərliyə təkliflər vermək;
- Aktivlər və Passivlərin idarə edilməsi komitəsinə və rəhbərliyə təqdim etmək üçün tələb olunan hesabatları hazırlamaq;
- Bankın məhsulları üçün FTP (Funds Transfer Pricing) metodologiyasını tətbiq və inkişaf etdirmək;
- Bankın açıq valyuta mövqelərini mütəmadi olaraq monitorinq etmək, potensial riskləri qiymətləndirmək və tənzimləyici normalara uyğunluğunu təmin etmək;
- Xarici valyuta (FX) əməliyyatlarının icrasını və effektivliyini izləmək, onların bankın balans idarəetməsinə təsirini dəyərləndirmək və tövsiyələr vermək.
Bizim üçün uyğun namizəd:
- Ali iqtisadi təhsil (maliyyə, iqtisadiyyat və ya uyğun sahələr üzrə);
- Yüksək səviyyədə MS Office proqramlarında işləmək bacarığına;
- Minimum 3 il iş təcrübəsi (Maliyyə, bazar riskləri və ya Xəzinədarlıq sahəsində iş təcrübəsi arzuolunandır);
- Bloomberg ticarət platforması ilə işləmə təcrübəsi arzuolunandır;
- Strateji yanaşma ilə problemləri həll etmək bacarığı və yerli, beynəlxalq regulativ tələblər haqqında bilik;
- SQL və ya digər kodlaşdırma dillərində biliyə (arzuolunandır);
- Beynəlxalq Sertifikatlara (FRM və ya CFA üzrə ilk səviyyələr arzuolunandır);
- İnduktiv və analitik təhlil bacarığına;
- Komandada işləmək bacarığına;
- Təqdimat və ünsiyyət bacarığına sahib olan şəxsdir.
Əgər axtardığımız namizəd sizsinizsə linkə daxil olub qeydiyyatdan keçərək vakansiya üzrə müraciət edə bilərsiniz.
Nəzərinizə çatdırmaq istərdik ki, müsahibələrə yalnız göstərilən kriteriyalara cavab verən şəxslər cəlb ediləcək
