Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə ABB komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər. 

 “ABB” ASC-nin komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• beynəlxalq standartları yerli bazara gətirən qurumda potensialınızı reallaşdırmaq şansı;
• rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• peşəkar kollektivdə çalışmağın üstünlüyü;
• yüksək komanda ruhunda əməkdaşlıq;
• karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması; 
• əməkdaşların yeni trendlərə uyğun təşkil olunan daxili və xarici təlimlərdə iştirak;  
• əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

• Müəyyən olunmuş limitlər çərçivəsində pul, əmtəə, qiymətli kağızlar və Forex bazarı üzrə əqdlər bağlamaq;
• Bankın adından Bloomberg, Reuters və digər platformalar vasitəsi ilə danışıqlar aparmaq və əqdlər bağlamaq;
• Sərbəst vəsaitlərin pul bazarında yerləşdirilməsi və cəlb edilməsi üzrə əqdlər bağlamaq;
• Təqdim olunmuş sifarişlər əsasında valyuta alqı–satqısı üzrə əqdlər bağlamaq;
• Bankın nağd vəsaitə olan tələbatı üzrə sifarişlərin iscrasını təmin etmək;
• Bankın vəsaitlərini səmərəli istifadə etmək məqsədilə, yararsız nağd vəsaitləri müxbir hesablara göndərilməsi üzrə sifarişləri icra etmək;
• Müştərilər üçün hecinq həllərinin təqdim olunması məqsədilə törəmə maliyyə alətləri üzrə əməliyyatlar aparmaq;
• İnvestisiya portfeli, pul bazarı əməliyyatları, fx və digər əməliyyatlar üzrə müvafiq hesabatlar hazırlamaq;
• Şöbənin işini əhatə edən və digər department üzrə lazımı təqdimatları hazırlamaq;
• Valyuta, pul və qiymətli kağızlar bazarının iştirakçıları ilə əlaqə saxlamaq, əməliyyatlarla bağlı daxil olmuş təklifləri təhlil etmək, lazım gəldikdə təkliflərə dair əlavə məlumatlar almaq.

Bizim üçün uyğun namizəd:

• Ali iqtisadi təhsil;
• Yaxşı səviyyədə Bloomberg və Reuters proqramları ilə işləmək bacarığı;
• CFA Level 1 və ya CFA Investment Foundations sertifikatları arzuolunandır;
• Səlis Azərbaycan, İngilis, Rus dillərini bilən;
• AMB-nin investisiya xidmətləri göstərilməsi üzrə ixtisas şəhadətnaməsinin olması arzuolunandır;
• Yaxşı səviyyədə MS Office proqramları biliyi olan;
• Problem həll etmə bacarığı olan;
• Komandada işləmə bacarığı olan;
• İnduktiv və analitik təhlil bacarıqları olan şəxsdir.

Əgər axtardığımız namizəd sizsinizsə linkə daxil olub qeydiyyatdan keçərək vakansiya üzrə müraciət edə bilərsiniz.

Nəzərinizə çatdırmaq istərdik ki, müsahibələrə yalnız göstərilən kriteriyalara cavab verən şəxslər cəlb ediləcək.