Maliyyə hesabatlarının hazırlanması

• Aylıq, rüblük və illik maliyyə hesabatlarını (mənfəət və zərər hesabatı, balans, pul vəsaitlərinin hərəkəti hesabatı, kapitalda dəyişikliklər hesabatı) IFRS Standartlarına uyğun hazırlamaq.
• Maliyyə hesabatlarına izahlı qeydləri hazırlamaq.
• Dövlət orqanlarına, səhmdarlara, banklara və digər maraqlı tərəflərə təqdim olunan hesabatları vaxtında və dəqiq hazırlamaq.

Dövr sonu bağlanışı və uçotun düzgünlüyü

• Ay sonu və il sonu bağlanış prosesini koordinasiya etmək, bağlanış qrafikinə əməl olunmasına nəzarət etmək.
• Hesablanmış xərclər, təxirə salınmış gəlirlər, amortizasiya, ehtiyatlar və digər düzəliş yazılışlarını hazırlamaq və yoxlamaq.
• Baş kitab hesablarının yardımçı uçot registrləri, bank çıxarışları və kontragentlərlə üzləşdirilməsini (reconciliation) aparmaq və fərqləri aradan qaldırmaq.
• Debitor və kreditor borcların düzgünlüyünün yoxlanılması və nəzarət. Üzləşdirmə aktlarının hazırlanmasında iştirak etmək.

Maliyyə nəzarəti və daxili nəzarət

• Maliyyə əməliyyatlarının daxili qaydalara, uçot siyasətinə və qanunvericiliyə uyğunluğuna nəzarət etmək.
• Daxili nəzarət prosedurlarını hazırlamaq, tətbiqini izləmək və onların effektivliyini qiymətləndirmək.
• Ödənişlərin, xərclərin və müqavilə öhdəliklərinin təsdiq limitlərinə və büdcəyə uyğunluğunu yoxlamaq.
• Risk sahələrini, uyğunsuzluqları müəyyən edib rəhbərliyə məlumat vermək.

Büdcə nəzarəti və idarəetmə hesabatlığı

• Faktiki göstəriciləri büdcə və proqnozlarla müqayisə etmək, kənarlaşmaların (variance analysis) səbəblərini təhlil etmək.
• Rəhbərlik üçün idarəetmə hesabatlarını, əsas maliyyə göstəricilərini (KPI) və analitik panelləri hazırlamaq.
• Büdcə və proqnozlaşdırma prosesində iştirak etmək, struktur bölmələrə metodiki dəstək göstərmək.
• Xərclərin optimallaşdırılması ilə bağlı təkliflər hazırlamaq.

Vergi və tənzimləyici hesabatlıq

• Vergi bəyannamələrinin hazırlanmasında iştirak etmək və ya onların maliyyə uçotu məlumatları ilə uyğunluğunu yoxlamaq.
• Statistika orqanlarına və digər tənzimləyici qurumlara təqdim olunan hesabatların vaxtında təqdimatını təmin etmək.
• Qanunvericilikdə və standartlarda baş verən dəyişiklikləri izləmək və onların şirkətə təsirini qiymətləndirmək.

Audit və yoxlamalara dəstək

• Xarici və daxili auditlər, vergi yoxlamaları zamanı lazımi sənədləri və izahatları hazırlamaq.
• Auditor tövsiyələrinin icrasına nəzarət etmək.

Uçot siyasəti və proseslərin təkmilləşdirilməsi

• Uçot siyasətinin, daxili təlimatların və hesabatlıq prosedurlarının hazırlanmasında və yenilənməsində iştirak etmək.
• Hesabatlıq proseslərinin avtomatlaşdırılması və ERP/mühasibat sistemlərinin (1C, SAP, Oracle və s.) səmərəli istifadəsi üzrə təkliflər vermək.
• Maliyyə məlumatlarının bütövlüyünü, məxfiliyini və arxivləşdirilməsini təmin etmək.

Digər öhdəliklər

• Digər struktur bölmələrlə (satınalma, satış, hüquq, İR) maliyyə məsələləri üzrə əməkdaşlıq etmək.
• Rəhbərliyin verdiyi digər tapşırıqları vəzifə səlahiyyətləri çərçivəsində yerinə yetirmək.

Tələb Olunan Bilik və Bacarıqlar:

• Ali təhsil (Maliyyə, Mühasibat uçotu, İqtisadiyyat və ya əlaqəli sahələr üzrə);
• Mühasibat uçotu, hesabatlıq və ya vergi sahəsində minimum 2–3 il iş təcrübəsi;
• Maliyyə hesabatlarının hazırlanması təcrübəsi, IFRS Standartlarını bilmək;
• “Mühasibat uçotu haqqında” Qanunu və uçot prosedurlarını dərindən bilmək;
• Azərbaycan Respublikasının Vergi Məcəlləsini dərindən bilmək və vergi bəyannamələrinin yoxlanılması təcrübəsi;
• 1C:Mühasibat proqramında sərbəst işləmək bacarığı (ay sonu bağlanışı, dövriyyə-saldo cədvəli, hesab təhlili);
• e-taxes.gov.az şəxsi kabineti ilə işləmək bacarığı;
• MS Excel-i yüksək səviyyədə bilmək (Pivot Table, VLOOKUP/XLOOKUP, SUMIFS, məlumatların üzləşdirilməsi);
• Yüksək diqqətlilik, məsuliyyətlilik, son tarixlərə əməl etmək və məxfi məlumatlarla işləmə bacarığı;
• Azərbaycan dili – sərbəst, İngilis dili bilikləri üstünlükdür;
• ACCA, DipIFR və ya oxşar peşəkar sertifikatların olması üstünlükdür.

Təklif edilir:

• Tibbi Sığorta;
• Korporativ nömrə;
• Nahar təminatı;
• Dinamik mühitdə işləmək və inkişaf şansı;
• Rahat və müasir ofis.

İş şəraiti:

• İş yeri: Bakı, Sarabski küçəsi 75, Sarabski Plaza;
• 5/7 iş qrafiki, iş vaxtı: 09:00-dan 18:00-dək.

Maraqlanan namizədlər CV-lərini mövzu hissəsində “Hesabatlılıq və Maliyyə Nəzarəti üzrə Mütəxəssis” qeyd etməklə Müraciət et düyməsində qeyd olunan elektron poçt ünvanına göndərə bilərsiniz