İş haqqında:

• Hesabat verir: Layihə Direktoru
• İş rejimi: Tam ştat
• İş yeri: Cəbrayıl (layihə sahəsi)

İşin Xülasəsi:

Tikinti Meneceri layihə sahəsində tikinti proseslərinin təhlükəsizlik, keyfiyyət və zaman qrafikinə uyğun şəkildə icra olunmasına cavabdehdir. Bu rol tam sahə yönümlüdür və gündəlik tikinti fəaliyyətlərinə nəzarəti, podratçıların işinin koordinasiyasını, texniki nəzarəti və sahə üzrə hesabatlılığı əhatə edir. Tikinti Meneceri Layihə Direktoru, Sahə komandası və Keyfiyyətə Nəzarət (QC) üzrə məsul şəxs ilə sıx əməkdaşlıq edəcək.

Vəzifə Öhdəlikləri:

Sahə İdarəçiliyi və Koordinasiya:

• Sahədə tikinti proseslərini gündəlik olaraq idarə etmək və nəzarətdə saxlamaq.
• Sahədə tikinti planını ətraflı şəkildə anlamaq və icranı ona uyğun koordinasiya etmək.
• Podratçıların və subpodratçıların fəaliyyətlərini koordinasiya etmək və işlərin plana uyğun aparılmasını təmin etmək.
• Tikinti qrafikinin yerinə yetirilməsini izləmək və gecikmələrin qarşısını almaq üçün tədbirlər görmək.
• Material və avadanlıqların təchizatını düzgün planlaşdırmaq, vaxtında və büdcə daxilində təmin olunmasına nəzarət etmək.
• Texniki tələblərin, layihə çertyojlarının və spesifikasiyaların sahədə düzgün tətbiq olunmasına nəzarət etmək.

Keyfiyyət və Təhlükəsizlik Nəzarəti:

• Sahə üzrə işlərin keyfiyyət standartlarına uyğunluğunu təmin etmək.
• Tikinti zamanı təhlükəsizlik qaydalarına riayət olunmasına nəzarət etmək və zəruri hallarda tədbirlər görmək.
• Keyfiyyətə Nəzarət komandası ilə koordinasiya edərək uyğunsuzluqların operativ şəkildə aradan qaldırılmasını təmin etmək.
• Sahə üzrə texniki və təhlükəsizlik auditlərində iştirak etmək.

Kommunikasiya və Hesabatlılıq:

• Gündəlik, həftəlik və aylıq sahə hesabatlarını hazırlamaq.
• Sahədə yaranan problemlər barədə Layihə Direktoruna vaxtında məlumat vermək və təkliflə çıxış etmək.
• Gündəlik iclaslarda iştirak edərək məlumat mübadiləsini təmin etmək.
• Layihə sənədlərinin, sahə qeydlərinin və texniki protokolların dəqiq şəkildə aparılmasını təmin etmək.

Namizədə Tələblər:

• Mühəndislik, Tikinti Menecmenti və ya əlaqədar sahə üzrə bakalavr dərəcəsi.
• Tikinti sahəsində minimum 3–5 illik iş təcrübəsi (mütləqdir).
• Sahədə işləmək, gündəlik nəzarət aparmaq və tikinti proseslərini idarə etmək bacarığı.
• Tikinti, infrastruktur və enerji layihələrində təcrübə üstünlük hesab edilir.
• Texniki çertyojlar, tikinti standartları və normativləri üzrə biliklər.
• Güclü kommunikasiya, koordinasiya və problem həll etmə bacarıqları.
• Azərbaycan dilində əla, ingilis dilində isə yaxşı səviyyədə yazılı və şifahi ünsiyyət bacarıqları.
• MS Office və texniki sahə üçün vacib proqram təminatlarında sərbəstlik.

Müraciət Qaydası:

Maraqlanan namizədlər öz CV və müşayiətedici məktublarını, mövzu hissəsində vakansiyanın adını göstərməklə, Müraciət Et düyməsində göstərilən elektron poçt ünvana göndərə bilərlər.