Vəzifə öhdəlikləri:

• Bankın potensial müştərilərini mikrokreditlər proqramına cəlb etmək məqsədilə birbaşa marketinqi həyata keçirir;
• Mikrokredit almaq üçün müraciət edən şəxslərə kredit məhsulunun şərtləri barədə məlumat verir;
• Ərizəçilər haqqında ilkin məlumatları toplayır;
• Toplanmış məlumatları təhlil edir və mümkün olan vasitələrlə yoxlayır;
• Ərizəçinin biznesinin maliyyə təhlilini həyata keçirir, mənfəət və zərər hesabatı nəticəsində aylıq ödəniş qabiliyyətini dəqiq müəyyən edir;
• Ərizəçinin fəaliyyəti ilə bağlı və ödəniş qabiliyyətinə təsir edən digər riskləri müəyyən edir;
• Analitik formulyar tərtib edir və doldurur. Ərizəçinin fəaliyyəti ilə bağlı olan bütün zərüri sənədlərin əslini və ya surətini formulyara əlavə edir;
• Kreditin verilməsi ilə bağlı təklif hazırlayır , kredit işini Xidmət qurumunun kredit komitısinə/Xidmət qurumunun kiçik kredit komitəsinə(bundan sonra”XQKK/XQKKK”) və Anderraytinq şöbəsinə təqdim edir;
• XQKK/XQKKK-də iştirak edir;
• XQKK/XQKKK-də təsdiq edilmiş kreditin verilməsi şərtlərinin yerinə yetirilməsinə nəzarət edir, iş sıxlığını nəzərə alaraq lazım gəldikdə kreditləri özü sənədləşdirir;
• İdarə etdiyi və ya ona təhkim edilmiş kredit portfelinin artımına və keyfiyyətinə nəzarət edir;
• İş təcrübəsinə əsasən Bank tərəfindən müəyyən olunmuş hədəfləri yerinə yetirir;
• Bankdaxili qaydalara əsasən mütəmadi olaraq borclunun biznesinin monitorinqini həyata keçirir.
• Bankın daxili qaydalara və işguzar adətlərə əsasən öz vəzifələrini məsuliyyətlə yerinə yetirir, əmək intizamına, davamiyyətə və geyim qaydalarına riayət edir;
• Bölmə rəhbəri olmadığı təqdirdə filialın Mikrokreditlər bölməsində yaranmış problemlərin həll edilməsi prosesinə nəzarət edir;
• Bankın daxili qaydalarına əsasən, problemli kreditləri təqib edir, müştərilər və zaminlərlə görüşlər keçirir;
• Filialın Mikrokreditlər bölməsinin əməkdaşlarını Iştirak etdiyi təlimlərdə əldə etdiyi zəruri bilgilərlə məlumatlandırır;
• Filial direktorunun Mikrokreditlər üzrə müavini/Mikrokreditlər üzrə bölmə rəhbəri olmadıqda filialın Mikrokreditlər bölməsi ilə bağlı daxil olan sorğu və hesabatların vaxtında icra edilməsini təmin edir, Filial direktorunun və Mikrokreditlər Departamentinin sorğularına əsasən müəyyən hesabatlar hazırlayır;
• Bank tərəfinfən verilmiş etibarnaməyə əsasən müəyyən edilmiş səlahiyyətlər çərçivəsində Bankı Dövlət orqanları qarşında təmsil edir;
• İmzalanmış iltizama əsasən bank və kommersiya sirrinin qorunmasına əməl edir;
• Mərkəzi kredit reyestrində ərizəçilərin yoxlanılmasının bankdaxili prosedurlara əsasən həyata keçiririr;
• Mikrokreditlər bölməsinə cəlb edilən təcrübəçilərin hazırlanmasında, onların praktika müddətində nəzəri və praktiki biliklərinin artırılmasında bilavasitə iştirak edir;
• Əmək müqaviləsi, Bankın Nizamnaməsi, idarəetmə orqanlarının və/və ya departamentin (filialın) əsasnaməsi, habelə fəaliyyətinə dair digər bankdaxili korporativ aktların müvafiq göstərişlərindən irəli gələn başqa funksiyaları icra edir.
• Bilavasitə rəhbəri, sahə rəhbəri və İdarə Heyətinin sədri tərəfindən verilən, Müşahidə Şurası və bankdaxili komitələrin qəbul etdiyi qərarlardan, əmək müqaviləsindən, Bankın Nizamnaməsi, idarəetmə orqanlarının və/və ya departamentin (filialın) əsasnaməsi və fəaliyyətinə dair bankdaxili korporativ aktlardan irəli gələn tapşırıq və sərəncamları qeyd-şərtsiz yerinə yetirir.

Tələblər:

• Ali təhsil- bakalavriat
• Dil biliyi- Azərbaycan dili- yüksək, 
• MS Office proqramları ilə işləmə bacarığı;

Biz sizə nə təklif edirik?

• Karyera inkişafı üçün əlverişli mühit;
• Fəaliyyət sahəsi üzrə təlimlərdə iştirak imkanı;
• Komanda quruculuq tədbirlərində iştirak imkanı;
• İdman zallarında endirim imkanları;
• Mobil operatorun korporativ tariflərinə qoşulmaq imkanı;
• Bölgələrdə yerləşən müxtəlif yüksək səviyyəli otellərdə endirimlər;
• Könüllü tibbi sığorta;
• Həyatın yığım sığortasına qoşulmaq imkanı.

Müraciət Et düyməsində qeyd olunan linkə daxil olaraq qeydiyyatdan keçib, müraciət edə bilərsiniz.