Baş mühasib müəssisədə maliyyə və mühasibat uçotunun düzgün aparılmasına cavabdeh şəxsdir. Onun əsas vəzifəsi bütün maliyyə əməliyyatlarının uçotunun qanunvericiliyə uyğun şəkildə təşkil edilməsini təmin etmək, vergi və digər öhdəliklərin düzgün hesablanaraq vaxtında ödənilməsinə nəzarət etmək, maliyyə hesabatlarını hazırlamaq və rəhbərliyə təqdim etməkdir.

Vəzifə öhdəlikləri:

• Cəmiyyətin maliyyə-təsərrüfat mühasibat uçotu və hesabat sənədlərində əks etdirilməsi üzrə fəaliyyətin təşkili və nəzarəti;
• Bütün maliyyə-təsərrüfat əməliyyatlarının mühasibat uçotunda düzgün əks etdirilməsi, mühasibat - maliyyə hesabatlarının tələb olunan müddətdə tərtib və təqdim edilməsini təşkil etmək;
• 1 C mühasibat uçotu proqram təminatında əsas vəsaitlərin, maddi qiymətlilərin və pul vəsaitlərinin hərəkəti ilə əlaqədar əməliyyatları əks etdirmək;
• İş və xidmətlərin maya dəyərini hesabat kalkulyasiyasını tərtib etmək, itkilərin yaranma və qeyri-istehsal məsrəflərin mənbələrini aşkar etmək, onların qarşısının alınması üzrə təkliflər hazırlamaq;
• Mədaxil/məxaric pul vəsaitinin uçotunu, mühasibat uçotu hesablarında onların hərəkətini, vəsaitlərin dövriyyəsini və xərclərini, xərclər smetasının hazırlanması, maliyyə, hesabat və kredit əməliyyatlarının uçotunun təşkili və nəzarəti;
• İlkin mühasibat sənədlərinin, hesablaşmaların və ödəniş öhdəliklərinin hazırlanmasına, əmək haqqı fondunun düzgün sərf olunmasına, əsas fondların inventarizasiyasının aparılmasına nəzarət edilməsi;
• Pul vəsaitlərinin mal-material qiymətlilərinin və əsas vəsaitlərin inventarizasiyasının müəyyən olunmuş müddətə keçirilməsində iştirak etmək;
• Vergi orqanları, DSMF və digər dövlət orqanlarına aylıq rüblük və illik hesabatları vaxtında təqdim etmək;
• Vergi risklərini hesablamaq və rəhbərliyə bildirmək;
• Maliyyə hesablarını (Balans hesabatı, mənfəət və zərər hesabatı, pul vəsaitlərinin hərəkəti hesabatı və.s) hazırlamaq;
• Əmək haqqının verilmə dövrünə uyğun olaraq bütün müvafiq əməliyyatlarının vaxtında və düzgün emal olunmasını təmin etmək;
• Həftəlik, aylıq, rüblük və illik icra hesabatlarının hazırlanmasını və təqdim edilməsini təmin etmək.

Tələblər:

• Ali təhsil (Maliyyə, Mühasibatlıq və ya İqtisadiyyat sahəsində);
• Vergi qanunvericiliyi və Mühasibat uçotunun milli və beynəlxalq standartları üzrə təcrübəyə malik olmaq;
• Mühasibat proqramlarında (1C, MS Office) işləmək bacarığı;
• Baş mühasib kimi ən azı 3 il iş təcrübəsi;
• Azərbaycan dilini bilməsi zəruridir, Rus dilini bilməsi arzuolunandır;
• Peşəkar mühasib sertifikatı olmalıdır;
• Yüksək analitik düşüncə, diqqətlilik və məsuliyyətlilik;
• Komanda ilə işləmə bacarığının olması.

Əmək şəraiti:

• Pozitiv və dəstəkləyici iş mühiti
• İş qrafiki: Bazar ertəsi – Cümə günü (5 gün)
• İş vaxtı: 09:00-18:00
• Könüllü tibbi sığorta
• Əmək haqqı işçinin təcrübə və bacarıqlarına uyğun olaraq tərəflər arasında razılaşdırılır

Göstərilən tələblərə cavab verən namizədlərdən CV-lərini mövzu hissəsinə “Baş Mühasib” yazaraq Müraciət Et düyməsində göstərilən elektron poçt ünvanına göndərmələri xahiş olunur.