Şöbə: Biznesin İnkişafı

Tabelik: Biznesin İnkişafı üzrə Rəhbər (şirkət strukturuna uyğun)

İşin məqsədi: IT avadanlıqlarının B2B (integrator şirkətlərə və son sifarişçilərə) B2C satışını həyata keçirmək, müştəri portfelini genişləndirmək, satış həcmini və gəlirliliyi artırmaq.

Əsas vəzifələr və funksiyalar

• Yeni müştərilərin cəlbi üçün aktiv satış aparmaq, görüşlər təyin etmək, müştəri bazasını genişləndirmək və satış pipeline-ını formalaşdırmaq.
• Mövcud müştərilərlə əməkdaşlığı idarə etmək, təkrar satışları artırmaq və müştəri məmnuniyyətini təmin etmək.
• Müştəri ehtiyaclarını təhlil etmək, uyğun məhsul/həll təkliflərini formalaşdırmaq, alternativlər təqdim etmək və dəyər təklifini əsaslandırmaq.
• Satınalma şöbəsi ilə koordinasiyalı işləyərək yerli/xarici stok mövcudluğu, çatdırılma müddəti və şərtləri dəqiqləşdirmək; müştəriyə düzgün və vaxtında məlumat təqdim etmək.
• Kommersiya təkliflərini hazırlamaq və təqdim etmək; qiymət sorğuları (RFQ), endirimlər və şərtlər üzrə daxili təsdiq proseslərini icra etmək.
• Şöbə rəhbərinin müəyyən etdiyi limitlər daxilində qiymət və kommersiya şərtləri üzrə danışıqlar aparmaq, marja çərçivəsində razılaşmaları formalaşdırmaq və satışın bağlanmasını (closing) təmin etmək.
• Sifarişlərin rəsmiləşdirilməsi və icrasında Əməliyyat/Logistika/Anbar/Mühasibə şöbələri ilə koordinasiya qurmaq.
• Satış sonrası proseslərdə müştəriyə dəstək vermək: zəmanət/servis yönləndirmələri, geri dönüşlər və problemli sifarişlərin həlli üçün aidiyyəti şöbələrlə operativ işləmək.
• CRM/pipeline qeydlərini aparmaq, satış proqnozlarını və mütəmadi hesabatları hazırlamaq; bazar və rəqib məlumatlarını toplayaraq rəhbərliyə təqdim etmək.

Hüquqlar və səlahiyyətlər

• Müştəri portfeli və satış pipeline-ı üzrə prioritetləndirmə və fəaliyyət planı təklif etmək.
• Satınalma şöbəsindən yerli/xarici stok və təchizat kanalları üzrə qiymət/mövcudluq məlumatlarını aktual tutmaq və koordinasiya aparmaq.
• Şöbə rəhbərinin verdiyi səlahiyyət çərçivəsində müştərilərlə kommersiya danışıqları aparmaq, şərtlər üzrə razılaşmaları daxili formalaşdırmaq.
• Endirim/marja/ödəmə şərtləri üzrə daxili təsdiq proseslərinə initiator olmaq və təsdiqləri toplamaq.
• Satışın icrası üçün aidiyyəti şöbələrdən sənədləşmə və əməliyyat dəstəyi tələb etmək.

Əməkdaşlıq edilən tərəflər

• Daxili: Satınalma, Texniki şöbə/Pre-sales (lazım olduqda), Əməliyyat, Logistika/Anbar, Mühasibə, Marketinq.
• Xarici: İntegrator şirkətlər, son sifarişçilər. 

Tələb edilən bilik, bacarıq və təcrübə

• B2B satış təcrübəsi (arzuolunan: IT avadanlıqları, integrator satışları, korporativ müştərilər).
• IT avadanlıq portfeli üzrə baza anlayış: server, storage, şəbəkə, PC/işçi stansiya, periferiya və servis/zəmanət yanaşmaları.
• Güclü ünsiyyət və danışıqlar bacarığı; ehtiyac analizi, təqdimat və etirazların idarə edilməsi (objection handling).
• Analitik yanaşma: marja hesablaması, qiymət müqayisəsi, proqnozlaşdırma və prioritetləndirmə.
• CRM və MS Office ilə işləmək; sənədləşmə və kommersiya təklifinin hazırlanması vərdişləri. (Üstünlükdür): İngilis və/və ya Rus dili; distributor/istehsalçı materiallarını oxuyub anlamaq.

Maraqlanan namizədlər CV-lərini əmək haqqı gözləntilərini və mövzu hissəsində Satışlar üzrə Aparıcı Mütəxəssis qeyd edərək Müraciət et düyməsində qeyd olunan elektron poçt ünvanına göndərə bilərlər.