About company

“İnnovativ Layihələr Mərkəzi” MMC 2016-cı ildə təsis edilmişdir. Cəmiyyət informasiya texnologiyaları sahəsində fəaliyyət göstərən aparıcı istehsalçıların avadanlıqları və proqram təminatlarının təchizatçısıdır. Belə ki, “İnnovativ Layihələr Mərkəzi” MMC müxtəlif hüquqi və fiziki şəxslərlə, dövlət qurumları ilə əməkdaşlıq etməklə partnyoru olduğu Nokia, Huawei, Thales, Cisco kimi vendorların server, şəbəkə, kriptoqrafik şifrələmə və digər avadanlıqlarını təqdim edir. Eyni zamanda virtuallaşdırma, məlumatların saxlanması, şəbəkə monitorinqi, avtomatlaşdırma və xidmətin idarə olunması, elektron sənəd dövriyyəsi sahəsində proqram təminatı üzrə lisenziyalar, həllər də təqdim olunur. Rəqəmsal texnologiyanın sürətlə inkişaf etdiyi bir dövrdə Riverbed Technology, IXIA, Vmware, Datacore, BMC kimi aparıcı şirkətlərin həlləri biznes modellərin idarə olunmasında səmərəliliyin artırılmasına, xərclərə qənaət olunmasına və rəqabət qabiliyyətinin artırılmasına xidmət edir. Bundan əlavə “İnnovativ Layihələr Mərkəzi” MMC kommersiya fəaliyyəti göstərən hüquqi şəxslərə və sahibkarlıq fəaliyyəti ilə məşğul olan fiziki şəxslərə mobil cihazlara İMEİ nömrə üzərindən nəzarət olunması üzrə xidmət göstərməkdədir.