Kontakt Home “Kontakt Mobile” olaraq 2006-cı ildə mobil telefon, aksessuar və mobil nömrələrin satışını həyata keçirən ilk kiçik mağaza ilə fəaliyyətə başlayıb. 2013-cü ildə geniş elektronika və məişət texnikası kateqoriyalarının sırasına mebel kateqoriyası da əlavə olunub. Həmin ildən etibarən yerli və xarici brendlərin, həmçinin öz fabrikimizin istehsal etdiyi mebellər də mağazalarımızda satışa çıxarılmış, bununla da “Home” konsepti tamamlanmışdır.
15 ildən artıqdır ki, güclü nüfuzumuzun əsasını təşkil edən dürüst xidmət və “ən yaxşı” olmaq məqsədi ilə irəliləməkdəyik.
Kontakt Home hazırda 40-dan çox filial və 1 onlayn mağaza ilə nəinki Azərbaycanın, hətta Qafqaz regionunun ən böyük elektronika və mebel şəbəkələrindən biri olaraq sevindirməyə davam edir. “Kontakt – Sevindirir” ifadəsini də məhz bunun üçün özümüzə sloqan olaraq seçmişik.
Komanda üzvlərimiz arasından mükəmməlliyi və parlaqlığı seçərək kayera yüksəlişini təmin etməyimiz daim qürurlandığımız cəhətimizdir. Böyük komandamıza qoşulmaq istəyənlər üçün isə sağlam və pozitiv korporativ mühit, qarşılıqlı etibar, güclü və zəngin iş təcrübəsi vəd edirik!
Vəzifə öhdəlikləri:
- İnsan resursları və təlim departamentinin işinin təşkili;
- İnsan resurslarının planlaşdırılması və idarə olunması;
- Şirkətin strateji hədəflərinə xidmət göstərən əməliyyat planlarının icrasının təmin olunması;
- İşə qəbul prosesinin təşkili və ona nəzarət;
- İşə qəbul və adaptasiya planının hazırlanması və plana uyğun olaraq adaptasiya tədbirlərinin təmin olunması;
- İnsan resursları inzibatçılığı və rəsmiləşdirmə işlərinin təşkili;
- Prosedur və qaydaların hazırlanması və inkişafı;
- Əməyin qiymətləndirilməsi prosesinin təşkili və idarə olunması;
- Təlim ehtiyyaclarının müəyyən edilməsi;
- İşçilər üçün inkişaf və təlim proqramlarının hazırlanması;
- Daxili və xarici təlimlərin təşkil olunmasına nəzarət;
- İşçi məmnuniyyətinin ölçülməsi və müvafiq olaraq təkliflərin hazırlanması;
- Həvəsləndirmə və mükafatlandırma sisteminin inkişafı;
- Şikayyət, təklif və müraciətlərin araşdırılması və müvafiq qərarların qəbul edilməsi;
- İntizam proseslərinin idarə olunması;
- İR üzrə audit işlərinin həyata keçirilməsi;
- İnsan resurları üzrə müxtəlif hesabatlar hazırlamaq və rəhbərliyə təqdim etmək;
- İnsan resurslarının inkişafı üzrə təkliflər hazırlamaq;
- İnsan resursları üzrə potensial risklərin müəyyən edilməsi və aradan qaldırılması.
Tələblər:
- Ali təhsil;
- İnsan resursları sahəsində ən azı 7 il iş təcrübəsi, o cümlədən bu sahədə rəhbər vəzifəsində minimum 3 il iş stajı;
- AR əmək qanunvericiliyini mükəmməl səviyyədə bilməli;
- İnsan resurslarının funksiyaları, standartları və prosedurları haqqında yüksək biliyə malik olmalı;
- Azərbaycan dilini əla səviyyədə bilməli, rus dilini bilməsi arzuolunandır;
- MS Office proqramlarını, xüsusilə Excel proqramını yaxşı səviyyədə bilməli;
- İR proqram təminatları ilə işləmə təcrübəsi arzuolunandır.
Şəxsi keyfiyyətlər:
- Liderlik xüsusiyyətləri;
- Təşkilatçılıq bacarığı;
- Gərgin iş şəraitində işləmək bacarığı;
- Analitik düşünmə qabiliyyəti;
- Diqqətli və məsuliyyətli.
İş şəraiti:
- İş günləri: I-V günlər;
- İş saatı: 09:00-18:00.
Qeyd olunan tələblərə uyğun namizədlər aşağıdakı linkə daxil olaraq vakansiyaya müraciət edə bilərlər.
Müraciətlər vakansiyanın tələblərinə əsasən dəyərləndiriləcək və yalnız seçilmiş namizədlərlə əlaqə saxlanılacaqdır.
