Kontakt Home “Kontakt Mobile” olaraq 2006-cı ildə mobil telefon, aksessuar və mobil nömrələrin satışını həyata keçirən ilk kiçik mağaza ilə fəaliyyətə başlayıb. 2013-cü ildə geniş elektronika və məişət texnikası kateqoriyalarının sırasına mebel kateqoriyası da əlavə olunub. Həmin ildən etibarən yerli və xarici brendlərin, həmçinin öz fabrikimizin istehsal etdiyi mebellər də mağazalarımızda satışa çıxarılmış, bununla da “Home” konsepti tamamlanmışdır.

15 ildən artıqdır ki, güclü nüfuzumuzun əsasını təşkil edən dürüst xidmət və “ən yaxşı” olmaq məqsədi ilə irəliləməkdəyik. 

Kontakt Home hazırda nəinki Azərbaycanın, hətta Qafqaz regionunun ən böyük elektronika və mebel şəbəkələrindən biri olaraq sevindirməyə davam edir. “Kontakt – Sevindirir” ifadəsini də məhz bunun üçün özümüzə sloqan olaraq seçmişik.

Komanda üzvlərimiz arasından mükəmməlliyi və parlaqlığı seçərək  kayera yüksəlişini təmin etməyimiz daim qürurlandığımız cəhətimizdir.  Böyük komandamıza qoşulmaq istəyənlər üçün isə sağlam və pozitiv korporativ mühit, qarşılıqlı etibar, güclü və zəngin iş təcrübəsi vəd edirik!

Vəzifə öhdəlikləri:

• Satışlarla bağlı məlumatların toplanması (satış rəqəmləri, müştəri davranışı, regionlar üzrə satış məlumatları və s.) və bu məlumatların analiz edilməsi;
• Satışın təhlili və hesabatlarının hazırlanması;
• Aylıq, rüblük, illik satış planlarının tərtib edilməsi;
• Satışlarda mövsümi dalğalanmaların izlənməsi və satışı yüksək olan məhsulların aşkar olunması;
• Keçmiş məlumatları analiz edərək gələcək satışların proqnozlaşdırılması;
• Satış planlarının yerinə yetirilməsində monitorinqlərin aparılması;
• Potensial satış risklərinin təhlil edilməsi və onların qarşısını almaq üçün tədbirlərin planlaşdırılması;
• Müxtəlif kateqoriyalı məhsullar üçün istehlakçı tələbinin proqnozlaşdırılması, orta çek məbləğinin ölçülməsi;
• Konversiya qiymətləndirilməsi, satışda artımın təmin edilməsini göstərən ən effektiv ünsiyyət kanallarının müəyyən edilməsi;
• Bazar analizləri, satış məlumatları və trendləri təhlil edərək, ən uyğun strategiyaların təklif edilməsi.

Tələblər:

• Ali təhsil;
• Səlis Azərbaycan dili bilir, Rus dili biliyi arzu olunandır;
• Satışın təhlili sahəndə minimum 4-5 il iş təcrübəsi;
• Yüksək səviyyədə Excel biliyi, Power BI, və Power Query proqramlarından istifadə bacarığı;
• Müxtəlif statistik metodlar və modellərdən istifadə edərək proqnozlaşdırma təhlilləri aparmaq bacarığı;
• Şirkətin satış strategiyasını inkişaf etdirmək və optimallaşdırmaq üçün güclü strateji düşüncə qabiliyyəti;
• Komanda ilə işləmə və effektiv ünsiyyət qurma bacarığı.

İş şəraiti:

• İş günləri: I-V günlər;
• İş saatı: 09:00-18:00.

Qeyd olunan tələblərə uyğun namizədlər aşağıdakı linkə daxil olaraq vakansiyaya müraciət edə bilərlər: https://qlor.me/m1916hn7z7

Müraciətlər vakansiyanın tələblərinə əsasən dəyərləndiriləcək və yalnız seçilmiş namizədlərlə əlaqə saxlanılacaqdır.