Şirkət haqqında

“Makromed” MMC əczaçılıq və səhiyyə sahəsində ixtisaslaşmış peşəkar konsaltinq şirkətidir. Şirkət dərman vasitələrinin, tibbi vasitələrin, qida əlavələrinin və kosmetik məhsulların qeydiyyatı, farmakonəzarət, lisenziyalaşdırma, GMP/GDP auditlərinə hazırlıq, əczaçılıq anbarlarının və klinikaların layihələndirilməsi üzrə xidmətlər göstərir.

Makromed yerli və xarici əczaçılıq şirkətləri ilə əməkdaşlıq edir, beynəlxalq layihələrdə iştirak edir və fəaliyyətini davamlı şəkildə genişləndirir. Şirkətdə iş proseslərinin sistemli idarə olunması üçün daxili proqram təminatından istifadə edilir. Yeni əməkdaşlara bu proqram təminatı, daxili iş qaydaları və şirkətin fəaliyyət istiqamətləri üzrə praktiki təlim və dəstək göstərilir.

Vəzifə: HR və inzibati işlər üzrə menecer

İş yeri: Bakı şəhəri, Binəqədi rayonu, Svetlana Məmmədova küçəsi 203C, AZ1114, Nəsimi metrosunun yaxınlığı

İş qrafiki: 09:00–18:00, həftənin 5 günü

Əmək haqqı: 1000–1500 AZN

İşə başlama tarixi: 21 iyun 2026

Əsas vəzifə öhdəlikləri

• İnsan resurslarının planlaşdırılması və təşkilati inkişaf üzrə işlərin icrası;
• İşə qəbul prosesinin təşkili, vakansiyaların yerləşdirilməsi və namizədlərlə ilkin əlaqənin qurulması;
• Yeni əməkdaşların adaptasiya prosesinin təşkili;
• Əməkdaşların şəxsi işlərinin, əmək müqavilələrinin və digər HR sənədlərinin düzgün aparılması;
• Davamiyyət, məzuniyyət, daxili intizam və ofisdaxili qaydalarla bağlı proseslərin izlənilməsi;
• Xidməti fəaliyyətin qiymətləndirilməsi prosesinin icrası və nəticələrin sistemləşdirilməsi;
• Təlim ehtiyaclarının müəyyənləşdirilməsi və təlimlərin təşkili;
• Qeyri-maddi motivasiya və əməkdaş loyallığının artırılması üzrə tədbirlərin təşkili;
• Bonus və mükafatlandırma sisteminin qurulmasına və idarə edilməsinə dəstək;
• Şirkətin daxili proqram təminatında HR və inzibati məlumatların işlənməsi;
• Fəaliyyət sahəsi üzrə hesabatlıq sisteminin aparılması;
• Əmək münasibətlərinin qanunvericiliyin tələblərinə uyğun tənzimlənməsinə dəstək;
• Görüşlərin təşkili və ofisdaxili kommunikasiya proseslərinə nəzarət;
• Sahə üzrə sənədlərin arxivləşdirilməsi.

Namizədə tələblər

• Ali təhsil;
• İqtisadiyyat, idarəetmə, insan resursları, biznesin idarə edilməsi və ya əlaqəli sahələr üzrə təhsil üstünlükdür;
• HR, inzibati işlər, ofis menecmenti və ya əlaqəli sahədə təcrübə arzuolunandır;
• Ən azı 3 il iş təcrübəsi üstünlük hesab olunur;
• Əczaçılıq, tibb, konsaltinq və ya beynəlxalq şirkət mühitində təcrübə əlavə üstünlükdür;
• MS Office proqramlarında yaxşı səviyyədə işləmək bacarığı;
• Elektron sənəd dövriyyəsi və daxili proqram təminatı ilə işləməyə hazırlıq;
• Azərbaycan Respublikasının Əmək Qanunvericiliyi üzrə əsas biliklər;
• Rus dili yaxşı səviyyədə;
• İngilis dili biliyi üstünlük hesab olunur.

Fərdi keyfiyyətlər

• Məsuliyyətli, dəqiq və sistemli işləmək bacarığı;
• Korporativ ünsiyyət qurmaq və davam etdirmək bacarığı;
• Təşkilatçılıq və koordinasiya bacarığı;
• Konfidensial məlumatlarla işləmək bacarığı;
• Komanda ilə işləmək bacarığı;
• İş proseslərinə operativ və məsuliyyətli yanaşma;
• Yeni bilik və proqramları öyrənməyə açıq olmaq.

Şirkət tərəfindən təklif olunur

• Stabil və peşəkar iş mühiti;
• Əczaçılıq və səhiyyə sahəsində inkişaf imkanı;
• Daxili proqram təminatı ilə işləmək üzrə praktiki təlim;
• Beynəlxalq layihələrdə iştirak imkanı;
• Peşəkar komandada təcrübə və inkişaf perspektivi.

Müraciət qaydası

Namizədlər CV-lərini “HR və inzibati işlər üzrə menecer” mövzusu ilə aşağıdakı elektron poçt ünvanına göndərə bilərlər:

[email protected]

Yalnız tələblərə uyğun namizədlərlə əlaqə saxlanılacaq.

Əlaqə məlumatları

Makromed MMC

Veb-sayt: www.makromed.az

E-mail: [email protected]

Mobil: +994 77 727 6006