“Nur Collection”  MMC “İşə qəbul üzrə mütəxəssis” vəzifəsinə vakansiya elan edir.

Əmək haqqı: Razılaşma yolu ilə

İş şəraiti

• 5 günlük iş həftəsi 
• Nahar şirkət tərəfindən təmin olunur
• Nahar fasiləsi: 13:00 -  14:00
• Ünvan: Bakı, Aliağa Vahid 1B (Bakı-Sumqayıt yolunun üstü, masazır dairəsi)

Əsas Vəzifələr:

• Şirkətin mağazaları üzrə işçi tələbatını müəyyən etmək və işə qəbul planını icra etmək;
• Mağaza rəhbərləri ilə mütəmadi əlaqə saxlamaq, aktiv və planlaşdırılan vakansiyaları müəyyən etmək, işçi ehtiyaclarını operativ şəkildə qarşılamaq;
• Vakansiya elanlarını hazırlamaq, uyğun platformalarda paylaşmaq və mütəmadi yeniləmək;
• CV-lərin təhlilini aparmaq, namizədlərin ilkin seçim və müsahibə mərhələlərini təşkil etmək;
• Müsahibələri planlaşdırmaq, namizədləri qiymətləndirmək və nəticələr üzrə hesabatlar hazırlamaq;
• İş təklifi prosesini koordinasiya etmək və namizədlərlə davamlı kommunikasiya aparmaq;
• Uğursuz namizədlərə seçim prosesinin nəticələri ilə bağlı vaxtında və peşəkar şəkildə geridönüş vermək;
• Açıq Qapı Günləri və kütləvi işə qəbul tədbirlərini təşkil etmək və koordinasiya etmək;
• Şirkəti karyera sərgilərində, universitet tədbirlərində və digər işə qəbul platformalarında təmsil etmək;
• İşdən ayrılan əməkdaşlarla çıxış (Exit) müsahibələri keçirmək, əldə olunan məlumatları analiz etmək və rəhbərliyə təkmilləşdirmə təklifləri təqdim etmək;
• Əmək bazarını və fashion retail sektorundakı işə qəbul trendlərini izləmək, yeni namizəd cəlbetmə kanallarını araşdırmaq;
• HR sənədləşməsini və işə qəbul prosesinin şirkətin daxili prosedurlarına uyğun icrasını təmin etmək;
• Employer Branding fəaliyyətlərinin həyata keçirilməsində və şirkətin işəgötürən brendinin gücləndirilməsində aktiv iştirak etmək.

Namizədə tələblər:

• İnsan Resursları, Biznesin İdarə Edilməsi və ya əlaqəli sahə üzrə ali təhsil;
• İşə qəbul sahəsində minimum 1 il iş təcrübəsi (Retail sahəsində təcrübə üstünlükdür);
• Müsahibələrin keçirilməsi, namizəd qiymətləndirilməsi və kompetensiya əsaslı müsahibə metodları üzrə biliklər;
• İşə qəbul platformaları, sosial media və alternativ namizəd cəlbetmə kanalları ilə işləmək bacarığı;
• MS Office proqramlarında, xüsusilə Excel proqramında sərbəst işləmək bacarığı;
• Azərbaycan dilini sərbəst, ingilis və rus dillərini bilmək üstünlükdür;
• Güclü kommunikasiya, təqdimat, təşkilatçılıq və analitik düşünmə bacarıqları;
• Yüksək məsuliyyətlilik, nəticəyönümlülük və komanda ilə effektiv işləmək bacarığı.

Komandamıza uyğun olan  namizədlər vakansiya ilə əlaqədar “CV”–lərini mövzu hissəsində vəzifə adını “İşə qəbul üzrə mütəxəssis”  qeyd etməklə, Müraciət et düyməsində qeyd olunan elektron ünvanına göndərə bilərlər.