Vəzifə öhdəlikləri:

• Cəmiyyətin adından bağlanması nəzərdə tutulan müqavilələri (əlavə və dəyişikliklər daxil olmaqla) hazırlamaq, struktur bölmələrdən daxil olan sənədləri (müxtəlif növ müqavilələr, onların əlavələri, təhvil-təslim aktları) yoxlamaq və hüquqi ekspertizasını aparmaq;
• Cəmiyyətin fəaliyyəti ilə əlaqədar hazırlanması tələb olunan bütün növ sənədləri (əmr, qərar, qayda, akt, protokol) tərtib etmək;
• Cəmiyyətin struktur bölmələrindən daxil olan hüquqi uyğunluq məsələləri üzrə sorğuları cavablandırmaq;
• Cəmiyyətin fəaliyyətində meydana çıxan hüquqi məsələlərlə bağlı hüquqi rəy və qiymətləndirməni hazırlamaq, eləcə də qanunvericilikdə meydana çıxan ziddiyyətli məqamlarla bağlı müvafiq dövlət orqanlarına (qurumlarına) sorğular hazırlamaq;
• Şəxslərdən daxil olmuş şikayətlərin araşdırılması zamanı meydana çıxan hüquqi məsələlərlə bağlı rəylər vermək;
• Layihə şəklində daxil olan hüquqi aktlarlarla bağlı təkliflərin hazırlanmasında və rəy verilməsində iştirak etmək;
• Cəmiyyətin müştərilər, partnyorlar, nəzarət orqanları və digər şəxslərlə münasibətlərdə hüquqlarının və qanuni mənafelərinin müdafiəsinin təşkil edilməsində iştirak etmək;
• Qiymətli kağızlar bazarı haqqında, habelə əlaqəli qanunvericiliyə edilən əlavə və dəyişiklikləri mütəmadi olaraq izləmək;
• Vəzifəsinə uyğun olaraq bilavasitə rəhbər tərəfindən verilən digər tapşırıqları yerinə yetirmək.

Vəzifəyə dair tələblər:

• Hüquqşünaslıq və ya beynəlxalq hüquq ixtisası üzrə ali təhsil;
• İxtisası üzrə 1 ilədək iş təcrübəsi;
• Azərbaycan dili üzrə sərbəst bilik, o cümlədən peşəkar hüquqi yazı bacarığı;
• Yaxşı səviyyədə ingilis dili bilikləri;
• “Microsoft Office” proqramlarından sərbəst istifadə etmək bacarığı.

Əmək şəraiti:

• İş vaxtı: həftəiçi 5 gün saat 09:00-18:00;
• Şirkət hesabına könüllü tibbi sığorta.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.