About company
1998-ci ildə fəaliyyətə başlayan Azərbaycan İnterneyşnl Mayninq Kompani Limited Şirkəti Azərbaycanın ən böyük qızıl, mis və gümüş hasilatı şirkətlərindən biridir. Şirkət ölkə üzrə ümumi sahəsi 2 400 kvadrat kilometrdən çox olan səkkiz əməliyyat müqaviləsi sahəsində fəaliyyət göstərir və həm açıq, həm də yeraltı mədənlərin istismarını həyata keçirir.
AİMKLŞ daxili kəşfiyyat fəaliyyəti nəticəsində aşkar edilmiş metal filizi yatağı əsasında Azərbaycanda yeraltı mədən inşa edən ilk şirkət olmuşdur. Müasir hasilat və emal texnologiyalarından istifadə edən şirkət filizlərin xüsusiyyətlərinə uyğun olaraq müxtəlif emal üsulları tətbiq etməklə qızıl dore və mis konsentratı istehsal edir.
Geoloji tədqiqatlar, hasilat metodları və faydalı qazıntıların emalı sahəsində bir sıra yeniliklərə imza atan AİMKLŞ Azərbaycanın dağ-mədən sənayesinin inkişafına mühüm töhfə verir. Son illərdə şirkət yeni mis mineralizasiyası sahələri müəyyən etmiş və ölkənin mis ehtiyatlarının inkişafına yönəlmiş fəaliyyətlərini genişləndirmişdir.
AİMKLŞ, Böyük Britaniyada qeydiyyatdan keçmiş Anglo Asian Mining PLC-nin törəmə şirkəti olaraq, qlobal əhəmiyyət daşıyan mis, qızıl və gümüş resurslarının səmərəli və davamlı şəkildə inkişaf etdirilməsini strateji prioritetlərindən biri hesab edir.