ABB “Strategiya ofisinin pərakəndə bankçılıq üzrə aparıcı / baş mütəxəssisi vakansiyası  elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə ABB komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər. 

Görəcəyiniz işlər:

• Pərakəndə bankçılıq sahəsi üzrə qabaqcıl təcrübələri öyrənərək strateji təşəbbüsləri və metrikləri formalaşdırmaq və onların icrasının təmin edilməsi istiqamətində dəstək vermək;
• Pərakəndə və ekvayrinq biznesi istiqamətində yeni məhsul və xidmətlərin araşdırılması və yeni təcrübələrin tədbiq edilməsi;
• Təşəbbüslərin vaxtında və keyfiyyətlə icrasına nəzarət etmək, onlara sahiblik edən struktur bölmələrinə icra ilə bağlı dəstək göstərmək;
• İcra edilmiş strateji təşəbbüslərin keyfiyyətini ölçmək və zərurət olduqda keyfiyyətin artırılması istiqamətində müvafiq tədbirlər həyata keçirmək;
• Qlobal və yerli bazarda pərakəndə bankçılıq sahəsinə aid yeni trendləri müəyyən etmək və onların əsasında strategiyaya aid təkliflər formalaşdırmaq;
• Strategiyanın icrası zamanı zərurət yarandığı təqdirdə kənar məsləhətçiləri cəlb etmək və onlarla yaxından çalışmaq;
• Xüsusi hallarda müəyyən təşəbbüslər üzrə sahibliyi öz üzərinə götürmək və təşəbbüslərin icrasına görə məsuliyyət daşımaq; 
• Strategiya üzrə görülmüş və icrada olan təşəbbüslər barədə rəhbərliyə hesabatlar və təkliflər vermək. 

Bizim üçün uyğun namizəd:

• Ali təhsilə (Xarici təhsil və ya beynəlxalq sertifikatlar arzuolunandır);
• Pərakəndə biznesi sahəsi üzrə ən azı 3-5 il iş təcrübəsinə;
• Yaxşı səviyyədə MS Office proqram biliyinə;
• Xarici dil biliyinə  (İngilis dili mütləqdir, rus arzuolunandır);
• Data əsasında nəticə çıxarma, problem həll etmə və araşdırma bacarıqlarına;
• Yüksək təqdimat və ünsiyyət qabiliyyətinə;
• Yüksək kommunikasiya bacarıqlarına malik olan şəxsdir.

Əgər axtardığımız namizəd sizsinizsə https://careers.abb-bank.az/ portalında qeydiyyatdan keçərək vakansiya üzrə müraciət edə bilərsiniz.

Nəzərinizə çatdırmaq istərdik ki, müsahibələrə yalnız göstərilən kriteriyalara cavab verən şəxslər cəlb ediləcək.