Əsas vəzifə funksiyaları:

• Nağdsız ödəniş sistemlərinin performansını artırmaq üçün təkliflər verir;
• Nağdsız ödəniş sistemlərində mümkün fırıldaqçılıq hallarının aşkarlanması üçün risk indikatorlarını təhlili əsasında qabaqlayıcı tədbirlər hazırlayır;
• Fırıldaqçılığın qarşısını almaq üçün avtomatik monitorinq və xəbərdarlıq sistemlərinin tətbiq edilməsi, müntəzəm olaraq yenilənməsi və təkmilləşdirilməsini həyata keçirir;
• Fırıldaqçılıq hallarının araşdırılması və analiz edilməsi üçün hüquq-mühafizə orqanları ilə koordinasiyanı təmin edir;
• Nağdsız ödənişlərdə fırıldaqçılığa qarşı mübarəzinin inkişaf istiqamətlərini müəyyən edir, bu istiqamətdə layihələrin icrasını və koordinasiyasını həyata keçirir;
• Nağdsız ödənişlərdə fırıldaqçılıq hallarına qarşı mübarizə sahəsində yenilikləri izləyir, bu yeniliklərin ödəniş xidməti təchizatçılarında tətbiqi imkanlarını müəyyən edir və müvafiq təkliflər hazırlayır;
• Nağdsız ödənişlərdə fırıldaqçılıq hallarına qarşı mübarizə fəaliyyəti üzrə normativ-metodoloji sənədlərin hazırlanması, o cümlədən mövcud normativ-hüquqi sənədlərin təkmilləşdirilməsi ilə bağlı fəaliyyəti həyata keçirir;
• Nağdsız ödənişlərdə fırıldaqçılıq halları ilə əlaqədar hesabatlılıq tələblərinin və standartlarının formalaşdırılması və təkmilləşdirilməsi ilə bağlı təkliflərin verilməsini təmin edir;
• Ödəniş xidməti istifadəçilərinin qarşılaşdıqları fırıldaqçılıq halları ilə bağlı daxil olmuş şikayətlərinin araşdırılması, insidentin baş vermə səbəblərinin müəyyən edilməsi, mövcud qanunvericilik tələblərinə, o cümlədən normativ xarakterli aktlara və icrası məcburi göstərişlərə uyğunluğun yoxlanılmasını həyata keçirir;
• Nəzarət çərçivəsində müəyyən edilmiş nöqsan və çatışmazlıqlarla bağlı qanunvericiliyə uyğun olaraq təşkilatlara icrası məcburi olan göstərişlərin verilməsi, habelə təsir və təshih tədbirlərinin göstərilməsinə dair təkliflər hazırlayır;
• Nəzarət subyektlərində rəqəmsal dələduzluq hallarına qarşı mübarizə tədbirlərinin təmin edilməsinə dair minimum tələbləri müvafiq struktur bölmələrlə birgə formalaşdırır;
• Fırıldaqçılıq hallarının qarşısının alınması istiqamətində ödəniş xidməti təchizatçılarına tövsiyyələrin verilməsini həyata keçirir;
• Ödəniş xidməti təchizatçılarında baş verən rəqəmsal dələduzluq hallarının qarşısının alınması istiqamətində aidiyyatı qurumlarla birgə tədbirlər həyata keçirir;
• Baş vermiş fırıldaqçılıq insidentləri barədə rəhbərliyin, həmçinin əlaqədar tərəflərin məlumatlandırılması müvafiq hesabatların hazırlanması, təqdim edilməsi və insidentlərin qarşısının alınması üzrə fəaliyyət koordinasiyasını təmin edir;
• Nəzarət subyektləri ilə birgə rəqəmsal ödənişlərdə fırıldaqçılığa qarşı mübarizə komitəsinin fəaliyyətini təşkil edir, ölkə üzrə dələduzluq trendlərinin zamanında aşkarlanması və qarşısının alınması ilə bağlı icrası məcburi göstərişlər üzrə təklifləri hazırlayır;
• Ödəniş xidməti təchizatçılarında rəqəmsal ödənişlərdə fırıldaqçılıq hallarına qarşı mübarizə sistemlərinin texnoloji tələblərə və beynəlxalq qəbul edilmiş standartlara uyğunluğunun, o cümlədən mübarizə tədbirlərinin dürüst həyata keçirilməsi mexanizmlərinə sahibliyinin qiymətləndirilməsini həyata keçirir, müzakirələr təşkil edir və hesabatlar hazırlayır;
• Müxtəlif müştəri qruplarını müəyyənləşdirir və onların ödəniş davranışlarını təhlil edərək xidmət keyfiyyətinin artırılması ilə bağlı təkliflər hazırlayır;
• Nağdsız ödənişlər üzrə müntəzəm analitik hesabatlar hazırlayır;

Tələb olunan biliklər:

• Təqdimat və yazı bacarığı
• Aidiyyəti sahə üzrə qanunvericilik bilgiləri
• Layihələrin idarəetmə bacarığı
• İT sahəsində texnoloji və idarəetmə standartlar üzrə biliklər

Tələblər:

• Təcrübə - Müvafiq sahə üzrə 3-5 il iş təcrübəsi
• Təhsil - Ali təhsil (İT, İdarəetmə, İqtisadiyyat)
• Dil bacarığı - Azərbaycan dili (yüksək səviyyədə), İngilis dili (yüksək səviyyədə), Rus dili (yaxşı səviyyədə)
• Kompüter bacarığları - MS Office yüksək səviyyədə, MS Project orta səviyyədə, biznes proses analizi və modelləşdirmə alətləri