Struktur bölmənin adı: Kapital bazarı fəaliyyətinə dair siyasət və tənzimlənmə departamenti

Vəzifənin funksiyaları:

• Qiymətli kağızlar bazarında lisenziyalaşdırılan şəxslərin, investisiya fondları və investisiya fondlarının idarəçilərinin fəaliyyətinin tənzimlənməsinə və nəzarətin təşkilinə dair normativ-metodoloji bazanın formalaşdırılması və mövcud bazanın təkmilləşdirilməsi üzrə normayaratma fəaliyyətinin təşkili;
• Kapital bazarını tənzimləyən qanunvericilik aktlarının hazırlanmasında iştirak;
• Mərkəzi depozitar, klirinq təşkilatı və fond birjasının daxili qaydalarının optimallaşdırılması üzrə təkliflər verilməsi, fond birjasının və klirinq təşkilatının daxili qaydalarına rəy bildirilməsi işinin təşkili;
• Prudensial normativlərin və tələblərin tətbiqi, habelə lisenziyalaşdırılan şəxslərə, həmçinin Mərkəzi Bankın nəzarət funksiyasını həyata keçirən əməkdaşlarına və digər aidiyyəti struktur bölmələrinə metodoloji dəstəyin göstərilməsi işinin təşkili;
• Lisenziyalaşdırılan şəxslərdən, habelə beynəlxalq təşkilatlar və yerli qurumlardan daxil olan sorğuların aidiyyəti üzrə cavablandırılmasının təşkili;
• Kapital bazarının iştirakçıları üzrə requlyativ çərçivəyə nəzərdə tutulan əlavə və dəyişikliklərə kapital bazarı sektorunun mövqeyinin qiymətləndirilməsi, lisenziyalaşdırılan şəxslər ilə kommunikasiyanın təşkili;
• Vəzifə təlimatları və fərdi iş planlarında nəzərdə tutulmuş vəzifələrin şöbə əməkdaşları tərəfindən icrasını təşkil edir və müvafiq nəzarəti həyata keçirir;
• Şöbənin fəaliyyət istiqamətləri üzrə beynəlxalq təcrübənin öyrənilməsi, araşdırmaların aparılması və təkliflərin hazırlanmasını təşkil edir;
• Departament rəhbərliyinin tapşırığına uyğun olaraq fəaliyyət istiqamətləri üzrə digər işləri yerinə yetirir.

Təhsil

• İqtisadiyyat/maliyyə yaxud hüquqşünaslıq - Ali təhsil

​​​​​​​Təcrübə

• Maliyyə və ya iqtisadi  sektorda müvafiq sahə üzrə ən azı 5 il iş təcrübəsi, o cümlədən rəhbər vəzifədə ən azı 1 il iş təcrübəsi

​​​​​​​Texniki biliklər 

• Azərbaycan Respublikasının Mərkəzi Bankı haqqında qanun – yüksək səviyyədə
• Qiymətli kağızlar bazarı haqqında qanun - yüksək səviyyədə
• Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında Qanun - yüksək səviyyədə
• Mülki Məcəllənin 4-cü və 54-cü fəsilləri - yüksək səviyyədə
• Qiymətli kağızlar bazarının tənzimlənməsi üzrə normativ baza - yüksək səviyyədə
• Normativ hüquqi aktlar haqqında Qanun - yüksək səviyyədə
• İnvestisiya fondları haqqında qanun - yüksək səviyyədə
• Maliyyə sistemi, maliyyə bazarları və alətləri - yüksək səviyyədə
• Maliyyə hesabatlılığı - yüksək səviyyədə
• Ümumi iqtisadiyyat - yüksək səviyyədə

Kompüter bacarığı

• MS Office proqramları - Yüksək səviyyədə

Dil bilikləri

• Azərbaycan dili - yüksək səviyyədə
• İngilis dili – yaxşı səviyyədə

Davranış kompetensiyaları

• Təşəbbüskarlıq, təkmilləşməyə meyllilik, məsuliyyətlilik, vaxtın idarə edilməsi, ünsiyyətqurma və komandada işləmə

Liderlik kompetensiyaları

• Dəyişikliklərin idarə edilməsi, təşkilatçılıq və planlaşdırma, qərar qəbuletmə

Əlavə tələblər 

• GZİT təhlili (SWOT), struktur bölmə üzrə vizyon və tədbirlər planı haqqında təqdimat hazırlamaq

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.