About company

Mərkəzimiz 2011-ci ildə xaricdə təhsil üzrə konsultasiya vermək üçün Bakıda fəaliyyətə başlamışdır. Məqsədimiz azərbaycanlı şagirdlərə xaricdə təhsil üzrə konsultasiya xidməti verməklə şagirdin vəziyyətinə ən uyğun ölkə və universitet seçimi etməkdə köməklik göstərməkdən ibarət olmuşdur. Xüsusilə Türkiyə, Amerika, İngiltərə, Avstraliya, Kanada və İrlandiyadakı universitetlər, xarici dil mərkəzləri və liseylərin Azərbaycandakı nümayəndəsi olan mərkəzimiz azərbaycanlı şagirdlərdən nümayəndəsi olduğu bir sıra universitetlərə konsultasiya və müraciət zamanı xidmət haqqı tələb etmir.

2012-ci ildə xidmət sahəmizi genişləndirməklə xaricdə təhsil üzrə konsultasiya xidmətindən əlavə imtahanlara hazırlıq kursları tədris etməyə başladıq. Türkiyə universitetlərinə hazırlıq üçün YÖS, ALES, SAT, YDS, TIPDİL kursları təşkil etməklə şagirdlərimizin sayını 1 il ərzində 3 qat artırmağa nail olmuş və bu sahədə ən çox etibar edilən quruma çevrilmişik. Həmin il ərzində Türkiyə universitetlərində təhsil almaq istəyən şagirdlərimizi istədikləri universitetlərə qəbul etdirməklə qəbul prosesində 100% uğur əldə etmiş və bu sahədə rekord göstəriciyə nail olmuşuq.

2018-ci ildə yeni bir xidmət kimi Mentora College Dil Məktəblərinin Bakı filialını açmış və əvvəlki illərin təcrübəsinə əsaslanaraq azərbaycanlı şagirdlərin Bakıda keyfiyyətli ingilis dili təhsili almasına imkan yaratmışıq.

2020-ci ildə xidmət sahəmizi genişləndirərək Türkiyədə təhsil almaq istəyən azərbaycanlı şagirdlərin YÖS imtahanı ilə yanaşı DİM Buraxılış imtahanlarına hazırlığını eyni mərkəzdə cəmləşdirmək məqsədilə 9-cu və 11-ci sinif buraxılış imtahanlarına hazırlıq kurslarının fəaliyyətinə başlamışıq.

2011-2022-ci illər arasında 10000-dən çox şagirdin, 72 fərqli universitetə qəbul olmasına imkan yaradan qurumumuz Türkiyəyə ən çox şagird göndərən təhsil mərkəzidir.