"AzerFloat" QSC float texnologiyası əsasında ildə 8 mln. m2 müxtəlif çeşiddə vərəqə şüşə lövhələr istehsalını həyata keçirir. 2021-ci ildən tam fəaliyyətə başlamış şirkətimiz məhsullarının 80%-ni “Karabagh Glass” brendi adı altında ixrac edərək dünya bazarında ciddi diqqət çəkmişdir. Ən müasir istehsalat və idarəetmə texnologiyaları əsasında istehsal olunan qlobal rəqabət qabiliyyətli məhsulumuz yeniliyə və inkişafa yüksək dəyər verən peşəkar komandımızın uğurudur. 

Azerfloat komandası olaraq biz sizə vəd edirik:

• Öz bilik və bacarıqlarınızı nümayiş etdirmək üçün şəffaf seçim prosesi;
• Müvəffəqiyyətli karyera üçün sizə lazım olacaq fərdi və peşəkar bacarıqlarınızı inkişaf etdirmək imkanı;
• Daim araşdırmaq, yeniliyə və təşşəbüskarlığa önəm verən xarici və yerli peşəkarlarla təcrübə mübadiləsi imkanı;
• Davamlı inkişafda olan peşəkar komandanın üzvü olmaq imkanı;

Vəzifə öhdəlikləri:

Isti xətt üzrə:

• Şüşə əritmə sobasında mövcud temperatur və təzyiq göstəricilərinə nəzarət etmək, müşahidə nəticələrinə əsasən xammal sərfiyyatı, temperatur və təzyiq üzrə məlumatların dövri qeydiyyatını aparmaq
• Şüşə lentinin qalay vannasında hərəkətinə, eninə və qalınlığına nəzarət etmək
• Əritmə vannası sexində gedən proseslər üzrə müşahidələr və qeydlər aparmaq
• Əritmə vannasında və soyutma sobasında istifadə olunan avadanlıqlara yerində vizual baxışlar keçirmək
• İstehsalat xəttində aşkar edilən defektli şüşələrin mövcud olma səbəbini araşdırmaq

Soyuq xətt üzrə:

• Şüşə lentinin ölçülərə uyğun olaraq avtomatik kəsilməsini təmin etmək
• Kəsim parametrlərini (ölçü, sürət, təzyiq və s.) avadanlıqda düzgün qurmaq və nəzarətdə saxlamaq
• Kəsilmiş şüşələrin keyfiyyətinə (çıxıntı, çat, qırıq, ölçü uyğunsuzluğu və s.) vizual nəzarət aparmaq
• Xətdə baş verən dayanma və nasazlıqlar barədə məsul şəxslərə operativ məlumat vermək
• Kəsim sahəsində təhlükəsizlik normalarına və daxili qaydalara ciddi riayət etmək

Namizədə tələblər:

• Orta ixtisas və ya ali texniki təhsil (kimya, mexanika, elektrotexnika, istehsalat və s.)
• İstehsalatda minimum 3 il  iş təcrübəsi 
• İstiyə dözümlülük və fiziki işdə işləmə bacarığı
• Texniki düşünmə qabiliyyəti 
• Məsuliyyətlilik və dəqiqlik
• Komandada işləmək bacarığı

İş şəraiti: 

• İş qrafiki: növbəli;
• İş saatı: 08:00 – 20:00;
• Nahar pulu;
• Servis;
• Könüllü tibbi sığorta;
• Əmək haqqı: Müsahibə zamanı namizədin bilik və bacarığına uyğun təyin olunacaqdır

Mövzü yerinə “İstehsalat operatoru” yazıb Müraciət Et düyməsində göstərilən elektron poçt ünvanına göndərməyiniz xahiş olunur.