Korporativ hüquq üzrə – Konsalting şirkəti

Biz yalnız sənəd tərtib edən deyil, müştərinin biznesinə real hüquqi dəyər qatan hüquqşünas axtarırıq. Əgər korporativ hüquqda sistemli düşünür, müxtəlif sahələr üzrə müştərilərlə işləməkdən zövq alırsansa – bu vakansiya sənin üçündür.

Əsas vəzifələr:

• Müxtəlif sahələr üzrə müqavilə formalarının hazırlanması, təhlili və hüquqi ekspertizasının aparılması;
• Azərbaycan Respublikasında yerli və xarici hüquqi şəxslərin filial və nümayəndəliklərinin yaradılması, qeydiyyat prosesinin tam icrası;
• Hüquqi şəxslərin, eləcə də xarici şirkətlərin filial və nümayəndəliklərinin ləğv edilməsi, reyestrdən çıxarılması və prosesin hüquqi müşayiəti;
• Sahibkarlıq fəaliyyəti ilə bağlı lisenziya və icazələrin alınması, müvafiq sənədlərin hazırlanması və dövlət qurumları ilə iş;
• Əmtəə nişanlarının qeydiyyatı və hüquqi müşayiəti;
• Əcnəbilərin və vətəndaşlığı olmayan şəxslər üçün iş icazələri və müvəqqəti yaşama icazələrinin alınması;
• Hüquqi məsələlərlə bağlı rəsmi məktubların, ərizə və şikayətlərin hazırlanması, dövlət və özəl qurumlarla yazışmaların aparılması;
• (Baş hüquqşünas üçün) gənc hüquqşünaslara metodiki dəstək və iş prosesinin koordinasiyası.

Tələblər:

• Hüquq sahəsi üzrə ali təhsil;
• Korporativ hüquq sahəsində minimum 3 il praktik iş təcrübəsi
  (baş hüquqşünas vəzifəsi üçün 5+ il üstünlükdür);
• Rus və ingilis dillərində işgüzar səviyyədə yazılı və şifahi ünsiyyət bacarığı;
• Analitik düşüncə, məsuliyyət və müştəriyönümlü yanaşma;
• Konsalting mühitində işləmək və müxtəlif biznes sahələrini tanımaq istəyi.

Biz nə təklif edirik:

• Stabil və peşəkar konsalting komandası;
• Müxtəlif sahələr üzrə müştərilərlə işləməklə təcrübənin real şəkildə artması;
• Hüquqşünas kimi yalnız icraçı deyil, məsləhətçi rolunda inkişaf imkanı;
• Əmək haqqı – qarşılıqlı razılaşma əsasında, namizədin təcrübə və bacarıqlarına uyğun;
• Uzunmüddətli əməkdaşlıq və karyera perspektivi.

Qeyd: Əgər korporativ hüquqda dərinləşmək, “şablon iş” yox, real hüquqi problemlərin həlli ilə məşğul olmaq istəyirsənsə – səni komandamızda görməkdən məmnun olarıq.

Vakansiya ilə maraqlanan şəxslərdən  CV–lərini Müraciət et düyməsində qeyd olunan elektron ünvanına Subject/Mövzu hissəsində “Hüquqşünas” qeyd etməklə göndərmələri xahiş olunur.