Kani Dəri Klinikası komandamıza kreativ düşüncəli, təşəbbüskar, analitik təfəkkürə malik və marketinq sahəsində təcrübəli Marketinq Meneceri axtarırıq!

Əsas vəzifə öhdəlikləri

Marketinq strategiyasının hazırlanması və idarə edilməsi

• Şirkətin marketinq strategiyasının, illik və aylıq marketinq planlarının hazırlanması və icrasının təmin edilməsi;
• Marketinq büdcəsinin planlaşdırılması, bölüşdürülməsi və səmərəliliyinə nəzarət edilməsi;
• Brendin tanınmasının artırılması və şirkətin müsbət imicinin formalaşdırılması;
• Bazarın, rəqiblərin və ehtiyacların araşdırılması;

Kontentin hazırlanması və çəkilişlərin təşkili (Content Production)

• Reels, TikTok, YouTube və reklam çarxları üçün kreativ ideyaların hazırlanması və ssenarilərin yazılması;
• Foto və video çəkilişlərinin planlaşdırılması və təşkili;
• Çəkiliş məkanlarının, çəkiliş üçün gərəkli ləvazimatların, modellərin və ya aktyorların seçilməsi;
• Çəkiliş prosesinin koordinasiyası və yaradıcı istiqamətləndirilməsi;
• Video materialların montajı, rəng korreksiyası, mətn və musiqinin uyğunlaşdırılması;
• Sosial media platformaları üçün cəlbedici, keyfiyyətli və auditoriyaya uyğun vizual və yazılı kontentin hazırlanması;
• Reklam materiallarının və vizual kontentin brendin üslubuna uyğunluğuna nəzarət edilməsi.

Rəqəmsal marketinq və reklam kampaniyalarının idarə edilməsi

• Facebook, Instagram, TikTok, Google və digər rəqəmsal platformalarda marketinq fəaliyyətlərinin idarə olunması;
• Meta Ads, TikTok Ads və Google Ads vasitəsilə reklam kampaniyalarının planlaşdırılması, işə salınması, monitorinqi və optimallaşdırılması;
• Reklam kampaniyalarının nəticələrinin təhlil edilməsi və effektivliyin artırılması üçün tədbirlərin görülməsi;
• Klinikaya müraciət edən potensial pasiyentlərin sayının artırılması və reklam xərclərinin səmərəliliyinin qiymətləndirilməsi;
• Reklam kampaniyalarının nəticələrinin KPI göstəriciləri əsasında qiymətləndirilməsi;
• Kampaniyalar, xüsusi təkliflər və mövsümi reklam fəaliyyətlərinin planlaşdırılması.

Reklam kanallarının araşdırılması və media planlaşdırılması (Media Planning & Strategy)

• Yeni reklam kanallarının, platformaların və reklam yerləşdirmə imkanlarının araşdırılması;
• Açıq hava reklamları, rəqəmsal bilbordlar, televiziya, radio, podkastlar, mətbuat və tədbirlər üzrə reklam imkanlarının qiymətləndirilməsi;
• Potensial tərəfdaşlar, bloqerlər, influenserlər və media agentlikləri ilə əlaqələrin qurulması;
• Reklam yerləşdirmə şərtlərinin öyrənilməsi, kommersiya təkliflərinin toplanması və qiymətlərin müqayisə edilməsi;
• Reklam imkanları, qiymətlər, auditoriyanın əhatə dairəsi və gözlənilən nəticələr barədə rəhbərlik üçün təkliflərin və təqdimatların hazırlanması;
• Rəqəmsal, ənənəvi və açıq hava reklam kanalları arasında büdcənin səmərəli bölüşdürülməsi ilə bağlı təkliflərin verilməsi.

Marketinq analitikası və hesabatlılıq

• Marketinq fəaliyyətlərinin effektivliyinin mütəmadi təhlil edilməsi;
• Reklam kampaniyalarının nəticələrinin ROI (investisiyanın gəlirliliyi), CPA (müştəri cəlbetmə xərci), baxış sayı və potensial müştəri müraciətləri kimi göstəricilər əsasında qiymətləndirilməsi;
• Google Analytics 4 və digər analitik alətlər vasitəsilə nəticələrin izlənilməsi;
• Marketinq büdcəsinin istifadəsi və kampaniyaların nəticələri barədə rəhbərliyə mütəmadi hesabatların təqdim edilməsi;
• Marketinq fəaliyyətlərinin təkmilləşdirilməsi üçün yeni ideyaların və təşəbbüslərin irəli sürülməsi.

Namizədə dair tələblər

• Marketinq, menecment, biznesin idarə edilməsi və ya müvafiq sahə üzrə ali təhsil;
• Marketinq sahəsində minimum 2–3 il iş təcrübəsi;
• Rəqəmsal marketinq və reklam platformaları üzrə bilik və praktiki təcrübə;
• Marketinq büdcəsinin idarə edilməsi, reklam kampaniyalarının planlaşdırılması və nəticələrin təhlili bacarığı;
• Bazar araşdırması aparmaq və rəqabət mühitini qiymətləndirmək bacarığı;
• Yazılı və vizual kontent hazırlamaq, kreativ ideyalar irəli sürmək bacarığı;
• CapCut, Adobe Premiere Pro, Adobe Photoshop və ya digər video montaj və dizayn proqramları ilə işləmək bacarığı;
• Foto və video çəkilişlərində kadr, işıq və kompozisiya prinsiplərini bilmək;
• Microsoft Office proqramlarında, xüsusilə Excel-də sərbəst işləmək bacarığı;
• Müasir kommunikasiya vasitələrindən və rəqəmsal məlumatlardan istifadə bacarığı;
• Analitik düşüncə, təşkilatçılıq, məsuliyyətlilik və təşəbbüskarlıq;
• Yüksək ünsiyyət və danışıqlar aparmaq bacarığı;
• Komandada işləmək, vaxtı düzgün idarə etmək və tapşırıqları vaxtında yerinə yetirmək bacarığı;
• Azərbaycan dilində sərbəst danışıq və yazı bacarığı.

Əlavə üstünlüklər:

• Səhiyyə və ya klinika sahəsində iş təcrübəsi;
• Google Ads, Meta Ads Manager və TikTok Ads platformaları ilə praktiki iş təcrübəsi;
• Google Analytics 4 və CRM sistemləri ilə işləmək bacarığı;
• B2B və B2C marketinq təcrübəsi;
• Rus və ingilis dillərini bilmək;
• Video çəkilişi və montaj üzrə portfolioya sahib olmaq.

Səlahiyyətlər və işin təşkili

• Reklam sahələrinin sahibləri, media nümayəndələri, influenserlər və potensial tərəfdaşlarla ilkin danışıqların aparılması;
• Yeni reklam kanalları və formatları üzrə rəhbərliyə təkliflərin təqdim edilməsi;
• Reklam materiallarının vizual keyfiyyətinə və brend standartlarına uyğunluğuna nəzarət edilməsi;
• Reklam kampaniyalarının həyata keçirilməsi üçün tələb olunan büdcənin əsaslandırılması və rəhbərliyə təqdim edilməsi.

İş şəraiti

• İş yeri: Bakı, Azərbaycan
• İş qrafiki: Həftədə 5 iş günü
• İş saatları: 09:00–18:00
• Əmək haqqı: Namizədin bilik və təcrübəsinə uyğun olaraq, müsahibə əsasında razılaşdırılır.

Vakansiya ilə maraqlanan namizədlərdən şəkilli CV-lərini və portfolio nümunələrini (hazırladıqları video və reklam işlərini) mövzu hissəsində “Marketinq Meneceri” qeyd etməklə Müraciət et düyməsində qeyd olunan elektron poçt ünvanına göndərmələri xahiş olunur: