About company

GESCO ASC, 26.05.2005-ci ildə Azərbaycan Respublikası Daxili İşlər Nazirliyinin razılığı əsasında fəaliyyətə başlamışdır. Əvvəllər az sayda əməkdaşları olan şirkət, hazırda 2400-dən çox işçi ilə peşəkar mühafizə xidmətini təqdim edir.

Şirkət, Bakı şəhəri də daxil olmaqla Respublikanın müxtəlif bölgələrində özəl və korporativ mühafizə xidmətini ISO 9001, ISO 14001, ISO 45001 keyfiyyət sisteminin tələblərinə uyğun olaraq həyata keçirir.

Mühafizə xidmətinin təşkili sahəsində zəngin fəaliyyət təcrübəsi olan “GESCO” ASC öz işinin peşəkarı olan heyətlə müxtəlif sahələri təmsil edən 160-dan çox tərəfdaş qurum və şirkətlərlə əməkdaşlıq edir. Ən müasir texnologiya və imkanları öz xidmətlərinə inteqrasiya edən GESCO Mühafizə Şirkəti beynəlxalq təcrübə və keyfiyyət standartları ilə yerli, peşəkar xidməti birləşdirir.

Şirkətin işçilərlə təmin olunmasında aparıcı rol oynayan İnsan Resursları şöbəsi, bu gün peşəkar karyerasını mühafizə sahəsində başlamaq və davam etdirmək istəyən 20 yaşı tamam olmuş, hərbi xidmət keçmiş sağlam, fiziki hazırlıqlı gənclərin GESCO Mühafizə Şirkətində çalışmaq istəyini daim təmin edir. Şirkətin mehriban əmək kollektivinin bir üzvünə çevrilmək arzusunda olan hər bir ölkə vətəndaşı bu imkanlardan geniş bəhrələnə bilər.

GESCO Şirkəti üçün qazanılmış ən böyük dəyər- professionsal şəkildə formalaşan insan kapitalıdır.