Miras şirkəti olaraq peşəkar komandamızı gücləndirmək məqsədilə hazırda yüksək bilik və təcrübəyə malik Hüquqşünas axtarışındayıq. Əgər siz hüquqi məsələlərdə dəqiqlik, analitik düşüncə və məsuliyyətlilik keyfiyyətlərinə sahibsinizsə, komandamıza qoşularaq strateji layihələrimizin uğuruna töhfə verməyə dəvət edirik.

Əsas vəzifə öhdəlikləri:

• Azərbaycan Respublikasının Konstitusiyası, Mülki Məcəlləsi, İnzibati Xətalar Məcəlləsi, Əmək Məcəlləsi və digər normativ-hüquqi aktlara əsaslanaraq müəssisənin fəaliyyətinə hüquqi dəstək göstərmək, bütün əməliyyatların qanunvericiliklə tam uyğunluğunu təmin etmək;
• Müqavilələrin hazırlanması, təhlili, hüquqi ekspertizası və şərtlərinin qiymətləndirilməsi, eyni zamanda müqavilələr üzrə risklərin müəyyən olunması və hüquqi rəylərin verilməsi;
• Müxtəlif istiqamətlərdə rəsmi məktubların, hüquqi rəylərin, aktların, iddia və cavab ərizələrinin, etirazların və digər prosessual sənədlərin hazırlanması;
• Məhkəmə, arbitraj və digər hüquq-mühafizə orqanlarında müəssisənin maraqlarını təmsil etmək, proseslərdə nümayəndəlik fəaliyyəti həyata keçirmək, lazım olduqda dövlət orqanları ilə yazışmalar aparmaq;
• Müəssisənin fəaliyyətində potensial hüquqi riskləri müəyyənləşdirmək, onların minimuma endirilməsi üçün qabaqlayıcı tədbirlər hazırlamaq və həyata keçirmək;
• Müəssisənin struktur bölmələrinə hüquqi məsələlər üzrə məsləhət və tövsiyələr vermək, onların fəaliyyətinin normativ-hüquqi aktlara uyğun icrasına dəstək göstərmək;
• Hüquqi sənədlərin uçotunun aparılması, arxivləşdirilməsi və qanunvericilikdə müəyyən edilmiş müddətlərə riayət olunmaqla saxlanmasını təmin etmək;
• Şirkət daxilində hazırlanmış daxili qaydaların, siyasətlərin və prosedurların qanunvericiliyə uyğunluğunu yoxlamaq və rəy vermək;
• Beynəlxalq müqavilələr, əməkdaşlıqlar və tərəfdaşlıqlar üzrə hüquqi dəstək göstərmək və zəruri hallarda danışıqlarda iştirak etmək;
• Hüquqi etika qaydalarına riayət etmək, məxfi və kommersiya sirri təşkil edən məlumatlarla işləyərkən konfidensiallığı qorumaq;
• Hüquqi məlumat bazaları və normativ aktların dəyişikliklərini daima izləmək, rəhbərliyi və struktur bölmələri yenilənmiş hüquqi tələblərlə təmin etmək.

Səriştə və kvalifikasiya tələbləri:

Təhsil: Ali hüquq təhsili (hüquq ixtisası üzrə bakalavr dərəcəsi).
Təcrübə: Hüquq sahəsində minimum 5 il iş təcrübəsi.

Bilik və bacarıqlar:

• Normativ-hüquqi aktlar üzrə yüksək biliklər;
• Müqavilələrlə iş, müqavilə hüququ üzrə praktiki təcrübə;
• Hüquqi rəyvermə, rəsmi məktub və sənəd hazırlamaq bacarığı;
• Məhkəmə işləri üzrə nümayəndəlik təcrübəsi;
• Hüquqi risklərin təhlili və idarə olunması bacarığı;
• Hüquqi informasiya bazaları və MS Office proqramları ilə işləmək bacarığı.

Dil bilikləri:

• Azərbaycan dili – səlis;
• Rus dili və İngilis dili – arzuolunandır.

Şəxsi keyfiyyətlər:

• Analitik düşüncə və detallara diqqət;
• Operativlik və məsuliyyətlilik;
• Etik davranış və konfidensiallıq;
• Peşəkarlığa və şəffaflığa sadiqlik.

İş yeri və əmək şəraiti:

• İş yeri: Bakı şəhəri;
• İş qrafiki: 5 günlük iş həftəsi (tam ştat);
• İş şəraiti: Ofis mühiti, normal əmək şəraiti;
• Ezamiyyət: Tələb olunduqda.

Əmək haqqı və təminatlar:

• Əmək haqqı namizədin bilik və təcrübəsinə uyğun olaraq rəqabətədavamlı səviyyədə müəyyən ediləcək;
• Əlavə inkişaf imkanları təqdim olunur.

Komandamıza qoşularaq əldə edəcəyiniz imkanlar:

• Peşəkar və dinamik iş mühiti;
• Davamlı təlim və peşəkar inkişaf perspektivləri;
• Korporativ idarəetmə və şəffaflığa əsaslanan iş mühiti.

Müraciət üçün: CV-lərinizi mövzu hissəsində “Hüquqşünas” qeyd etməklə Müraciət et düyməsində qeyd olunan elektron poçt ünvanına göndərin.