Hal-hazırda “PAŞA Technology” MMC  “Satınalma üzrə baş mütəxəssis” vəzifəsi üzrə vakansiya elan edir.

Əsas öhdəliklər:

• Satınalma sifarişlərinin (Purchase Order – PO) vaxtında və dəqiq şəkildə, Satınalma SLA-sına uyğun icrasını təmin etmək;
• Müxtəlif texniki istiqamətlər üzrə tender və rəqabətli satınalma proseslərinin planlaşdırılması, təşkili və icrasına rəhbərlik etmək;
• Xərc azaldılması, proses səmərəliliyi və performansın artırılması məqsədlərinə davamlı şəkildə nail olmaq;
• Təchizatçılarla güclü işgüzar münasibətləri idarə etmək, tələb olunan tərəfdaşlıq statuslarını və sertifikatları yeniləmək və qorumaq;
• İT bazarını və texnoloji tendensiyaları mütəmadi izləmək, yeni məhsullar və texnologiyalar haqqında məlumatlı olmaq;
• Təchizatçılar tərəfindən keçirilən tədbirlərdə, seminar və təqdimatlarda iştirak etmək;
• Zəruri hallarda istifadəçilərə satınalma sorğularının formalaşdırılmasında dəstək göstərmək;
• Hər bir tələbat üçün müvafiq satınalma strategiyasını və üsulunu Satınalma Siyasəti və Texniki Təminat Proseduruna əsasən müəyyən etmək;
• Kotirovka sorğularını aparmaq, təklifləri qiymətləndirmək, danışıqlar aparmaq və qiymət, keyfiyyət və təhvil müddətinə görə ən optimal təchizatçını seçmək;
• Təchizatçılar və daxili maraqlı tərəflərlə gündəlik koordinasiyanı təmin etmək;
• Satınalma fəaliyyətinə dair performans göstəriciləri (KPI-lər) və nəticələr barədə rəhbərliyə müntəzəm hesabatlar təqdim etmək;
• Satınalma fəaliyyətinin tam şəkildə daxili qaydalara, etik prinsiplərə və audit tələblərinə uyğunluğunu təmin etmək;
• Etik Satınalma Prinsipləri bilikləri və tədbiqi.

Tələb olunan bilik və bacarıqlar:

Təhsil:

• Ali təhsil.
• Satınalmalar istiqamətində sertifikasiyanın olması mütləqdir.
• CIPS Sertifikatı və ya İrəli dərəcə (Advance level) sertifikatın olması vacibdir.

Bacarıqlar və təcrübə:

• Minimum 5 il satınalma sahəsində iş təcrübəsi.
• İT və texniki satınalma sahəsində təcrübə üstünlükdür.
• Strateji satınalma.
• Bazar analizi.
• Müqavilə idarəetməsi.
• Təchizatçı münasibətlərinin idarə olunması (SRM).
• Xərc optimizasiyası və ümumi mülkiyyət dəyəri (TCO).
• Kateqoriya idarəetməsi.
• Satınalma risklərinin idarəolunması.
• Danışıqlar və təsir bacarığı.

Kompüter bilikləri:

• MS Excel, MS Word, MS Outlook (əla).
• 1C və ya digər ERP satınalma alətləri üzrə yüksək səviyyədə bilik.

Fərdi bacarıqlar\ Davranışlar

• Gündəlik əməliyyatlarda dürüst olmaq:  hər zaman düzgün addımları düzgün yollarla atmaq.
• Ünsiyyətqurma.
• Stresin idarə olunması.
• Vaxtın idarəedilməsi.

Dil bilikləri:

• Azərbaycan, İngilis və Rus dillərində sərbəst ünsiyyət qurmaq bacarığı.

Müraciət etmək istəyən namizədlər vakansiyanın adını “mövzu” bölməsində qeyd etməklə CV-ni Müraciət et düyməsində qeyd olunan elektron poçt ünvanına göndərə bilərlər. İşə qəbul prosesinin növbəti mərhələsi üçün  vakansiyanın tələblərinə cavab verən namizədlərlə əlaqə saxlanacaq.