Vergi nəzarəti və uyğunluq:

• Tikinti layihələri üzrə bütün vergi öhdəliklərinin mövcud qanunvericiliyə uyğun icra olunmasına nəzarət etmək.
• Baş mühasiblər tərəfindən hazırlanan aylıq, rüblük və illik vergi bəyannamələrini yoxlamaq və təsdiq üçün rəhbərliyə təqdim etmək.
• Vergi bəyannamələrinin (ƏDV, mənfəət vergisi, torpaq və əmlak vergisi, gəlir vergisi və s.) dəqiqliyini və vaxtında vergi orqanlarına təqdim olunmasını təmin etmək.

Layihələr üzrə nəzarət:

• Hər bir tikinti layihəsinin mühasibat uçotu və vergi öhdəliklərini təhlil etmək.
• Layihələr üzrə vergi risklərini müəyyənləşdirmək və onların minimuma endirilməsi üçün tədbirlər görmək.
• Müxtəlif layihələr üzrə baş mühasiblərlə koordinasiyada işləyərək hesabatların düzgünlüyünü təmin etmək.

Hesabatlılıq və audit:

• Vergi orqanlarından daxil olan sorğulara cavabların hazırlanmasına nəzarət etmək.
• Daxili və xarici auditorlarla əməkdaşlıq etmək, tələb olunan sənədlərin və izahların verilməsini təmin etmək.
• Vergi yoxlamaları zamanı şirkəti təmsil etmək və prosesin düzgün idarə olunmasını təmin etmək.

Qanunvericilik və dəyişikliklərin izlənməsi:

• Vergi Məcəlləsində və digər əlaqəli normativ-hüquqi aktlarda baş verən dəyişiklikləri izləmək.
• Şirkət rəhbərliyini və layihə mühasiblərini bu dəyişikliklər barədə məlumatlandırmaq.

Daxili nəzarət və optimizasiya:

• Vergi uçotunun və hesabatların şəffaflığını artırmaq üçün daxili prosedurlar hazırlamaq.
• Vergi öhdəliklərinin optimallaşdırılması üçün tövsiyələr vermək.
• Vergi risklərinin idarə olunması üzrə metodologiya işləyib hazırlamaq və tətbiqini təmin etmək.

Əlavə bacarıqlar / tələb olunan biliklər:

• Azərbaycan Vergi Məcəlləsi və mühasibat uçotu standartları üzrə dərin bilik.
• Tikinti sektorunda vergi uçotu üzrə təcrübə.
• BIG10 audit sirketlerinde tercubesi ustunlukdur.
• Müxtəlif layihələrin vergi risklərini qiymətləndirmə bacarığı.
• MS Office (xüsusilə Excel), ERP proqramları və e-beyanname sistemlərindən istifadə təcrübəsi.

Tələblər:

• Ali təhsil (Mühasibatlıq, Maliyyə və ya əlaqədar sahələr)
• Müvafiq sahə üzrə minimum 5 il iş təcrübəsi
• Mühasibatlıq proqramları və Excel üzrə yaxşı biliklər
• Dəqiqlik, analitik düşüncə, məsuliyyət və vaxtında icra bacarığı

İş şəraiti:

• İş rejimi: 5 günlük iş qrafiki (09:00–18:00)
• Əmək haqqı: namizədin bilik bacarıqlarına uyğun təyin olunacaq 
• Ünvan: Bayıl ərazisində yerləşir. 

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.