About company

SOCAR Tech — SOCAR və onun ekosistemi üçün texnologiya, rəqəmsallaşma və innovasiya sahəsində kompleks həllər təqdim edən texnologiya şirkətidir.
Şirkət rəqəmsal transformasiya, ERP və korporativ həllər, Data və Süni İntellekt, kibertəhlükəsizlik, OT və sənaye texnologiyaları istiqamətlərində fəaliyyət göstərərək, strategiya və həllərin hazırlanmasından onların tətbiqi və davamlı dəstəyinə qədər tam xidmət spektri təqdim edir.
SOCAR Tech-in əsas məqsədi müasir texnologiyalar və innovativ yanaşmalar vasitəsilə biznes proseslərinin səmərəliliyini artırmaq, rəqəmsal transformasiyanı sürətləndirmək və SOCAR Qrupu, eləcə də digər təşkilatlar üçün uzunmüddətli dəyər yaratmaqdır.
SOCAR Tech brendinə keçiddən əvvəl şirkət Caspian Innovation Center (CIC) adı altında fəaliyyət göstərib. Bu dövrdə formalaşmış peşəkar komanda, texnoloji ekspertiza və həyata keçirilmiş layihələr SOCAR Tech-in bugünkü inkişafının möhkəm təməlini təşkil edir.
Yeni brend kimliyi ilə SOCAR Tech bu təcrübəni daha böyük ambisiyalarla davam etdirərək, Azərbaycanda və beynəlxalq bazarlarda texnologiya və rəqəmsal transformasiya sahəsində imkanlarını genişləndirməyi hədəfləyir.