About company

SOCAR Upstream Management International MMC (SUMI) 2014-cü ildə Azərbaycanın Respublikasında yataqların işlənməsi və karbohidrogenlərin hasilatı ilə əlaqədar xarici tərəfdaşlarla bağlanmış hasilatın pay bölgüsü və risk xidmət sazişlərinin tərəfi olan SOCAR ortaq neft şirkətlərinin idarəedilməsi məqsədilə təsis edilmişdir. Şirkətin əsas fəaliyyət istiqaməti işlənmə və hasilat seqmenti üzrə SOCAR-ın beynəlxalq və yerli layihələrində iştirak edən müvafiq törəmə şirkətlərinin peşəkar idarəetməsinin təmin edilməsi, neft-qaz əməliyyatlarının həyata keçirilməsinə nəzarət, maliyyə vəsaitlərinin idarəolunması və bu layihələrdə SOCAR-ın dəyərinin artırılmasıdır. Şirkət həmçinin SOCAR-ın dəniz və quru layihələri üzrə SOCAR-ın ortaq neft şirkətləri üçün vahid korporativ idarəetmə strukturunun formalaşdırılmasına dəstək verir. Təsis edildiyi tarixdən etibarən, Azerbaijan (ACG) limited, SOCAR Abşeron, SOCAR Qarabağ, Salyanneft, Əlibayramlıneft və digər SOCAR-ın ortaq neft şirkətlərinin idarəçiliyi SUMI-yə həvalə edilmişdir. SUMI əməliyyat səmərəliliyinin artırılması, SƏTƏMM normativlərinə riayət olunması, rəqəmsal idarəetmə sistemlərinin tətbiqi və insan resurslarının inkişafı istiqamətlərini strateji prioritet kimi müəyyənləşdirmişdir. Şirkət beynəlxalq standartlara əsaslanan idarəetmə yanaşması ilə Azərbaycanın enerji sektorunun davamlı inkişafına əhəmiyyətli dəstək verir.