Şöbə: Təchizat və logistika 

Ünvan: Neftçilər prospekti 153, PBT   

Əsas vəzifə və funksiyalar

Xarici Satınalma Planlaşdırılması

• Hotellər və daxili şöbələr tərəfindən təqdim olunan xarici tələbləri toplayır və prioritetləşdirir;
• İllik və rüblük xarici satınalma planlarını hazırlayır;
• Xarici tələblərin büdcə və logistika uyğunluğunu qiymətləndirir;
• Qrup Təchizat və Logistika direktorun ilə birlikdə xarici təchizat strategiyasını formalaşdırır (məsələn, Türkiyə, Avropa, Çin bazarları üzrə).

Təchizatçı Araşdırması və Qiymətləndirmə

• Daha sərfəli təchizatçıların axtarılması məqsədilə xarici bazarlarda potensial təchizatçıları araşdırır, əlaqə yaradır və məlumat bazasını formalaşdırır;
• Səmərəliliyin artırılması üçün alışların xarici təchizatçılardan birbaşa edilməsi təhlilini aparır və onları təşkil edir;
• Təchizatçıların istehsal gücü, keyfiyyət standartları, beynəlxalq sertifikatları və etibarlılığını yoxlayır;
• Təchizatçı qiymətləndirmə formaları hazırlayır və xarici təchizatçılara aid “Təsdiqlənmiş Təchizatçılar Siyahısı”nı idarə edir;
• Beynəlxalq bazarda, onlayn platformalarda bazar təhlili aparır.

Qiymət Sorğusu və Tender Prosesi

• Xarici təchizatçılardan RFQ toplayır və maliyyə/texniki müqayisə cədvəli hazırlayır;
• Dəqiq texniki spesifikasiyaları əsas götürərək ən uyğun təklifləri müəyyənləşdirir;
• Tələb olunan hallarda nümunə sifarişlərini təşkil edir və keyfiyyət testlərinə nəzarət edir;
• Tender komissiyasına təqdim etmək üçün hesabat və protokolları tərtib edir.

Müqavilə və Logistika İdarəetməsi

• Beynəlxalq ticarət prinsiplərinə uyğun müqavilə layihələrini hazırlayır (INCOTERMS 2020 çərçivəsində: EXW, FOB, CIF və s.);
• Gömrük, logistika və anbarla əlaqəli bütün mərhələlərə nəzarət edir;
• Yük daşımalarını (hava, dəniz, quru nəqliyyatı) və daşıma şirkətləri ilə əlaqələri idarə edir;
• İdxal prosesində gömrük sənədlərinin (invoice, packing list, certificate of origin, bill of lading, və s.) düzgünlüyünü təmin edir.

Maliyyə və Büdcə Nəzarəti

• Xarici alışların valyuta risklərini və qiymət dalğalanmalarını təhlil edir;
• Maliyyə departamenti ilə birlikdə ödəmə planları hazırlayır;
• Satınalma əməliyyatlarının büdcə çərçivəsində və plan-fakt uyğunluqda icrasına nəzarət edir;
• Hər rüb üçün Satınalmaların statusu Hesabatını hazırlayır.

Koordinasiya və Hesabatlıq

• Təchizat zəncirinin bütün mərhələlərində (purchase – shipment – customs – delivery) əlaqələndirməni təmin edir;
• Tələb olunan hesabatları Qrup Təchizat və Logistika direktoruna təqdim edir;
• Hotellərin və layihə şöbələrinin xarici tələblərinə operativ dəstək verir;
• Audit yoxlamalarında tələb olunan sənədləri təqdim edir.

Məsuliyyət və Səlahiyyətlər

• Yalnız təsdiqlənmiş xarici alış planları çərçivəsində sifariş vermək səlahiyyətinə malikdir;
• Təchizatçılardan alınan kommersiya məlumatlarının məxfiliyinə cavabdehdir; 
• Gömrük və beynəlxalq ticarət qanunvericiliyinə riayət etməyə məsuldur; 
• Qrupdaxili müəssisələrə mütəmadi ezam olunmağa hazır olmalıdır;
• Xarici alış prosesində şəffaflıq, etik davranış və antikorrupsiya prinsiplərinə əməl etməlidir.

Bilik, Bacarıq və Təcrübə tələbləri

Tələblər

• Təhsil - Ali təhsil (Beynəlxalq Ticarət, İqtisadiyyat, Logistika və ya Biznes İdarəçiliyi sahəsində).
• Təcrübə - Minimum 5 il xarici ticarət və ya idxal/ixrac satınalma sahəsində təcrübə
• Dil bilikləri - Azərbaycan dili (əla), İngilis dili (əla), Rus dili (əla).
• Texniki bacarıqlar - ERP sistemi (iScala və s.), MS Excel (advanced), INCOTERMS 2020, Gömrük sənədləri və logistika prosesi
• Şəxsi keyfiyyətlər - Analitik düşüncə, danışıqlar aparmaq bacarığı, detallara diqqət, məsuliyyət, operativlik

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.