Taghiyev Operating Company MMC neft və qaz əməliyyatlarımızı dəstəkləmək adına komandaya qoşulmaq üçün istehsal müəssisələrində elektrik sistemləri və avadanlıqlarının quraşdırılması, saxlanması və təmirinə cavabdeh olacaq elektrik axtarışındadır.

Vəzifə öhdəlikləri:

• Elektrik avadanlıqlarına texniki baxışın və nəzarətin həyata keçirilməsi: 
• İstismarda olan elektrik avadanlıqlarına texniki baxış keçirilməsi:
• Naqillərin və yastıqların qızmasının yoxlanılması;
• Quraşdırılmış və ya səyyar ampermetrlər vasitəsilə elektrik naqillərində olan cərəyan şiddətinə nəzarət edilməsi; 
• Elektrik mühərriklərində kənar səslərin olmasının yoxlanılması;
• Paylayıcı qurğularda gərginlik göstəricilərinin normaya uyğunluğunun yoxlanılması; 
• Yüksək gərginlikli yağ transformatorlarının işinə nəzarət edilməsi;
• Ölçü, qaynaqedici, yağlı və xüsusi transformatorların normal işləməsinə nəzarət edilməsi, təmir edilməsi, elektrik avadanlıqları və mühərriklərinin sökülməsi və təmir edilməsi: 
• Elektrik paylayıcı quruluşlarda və transformator yarımstansiyalarında gərginliyin tam söndürülməsi ilə təmir işlərinin aparılması; 
• Elektrik mühərriklərinin torpaqlanmasının yoxlanılması və qadağanedici lövhəciklərin quraşdırılması, zəruri hallarda çəpərləmənin aparlması;
• Güc və işıqlandırma qurğularının daha mürəkkəb sxemlərinə və texnoloji prosesi avtomatik tənzimləyən avadanlıqların sxeminə xidmət edilməsi və işlərin çertyoj və sxem üzrə yerinə yetirilməsi; 
• Gərginliyi 1000 V-a qədər və ondan yuxarı olan elektrik maşın və aparatların təmir edilməsi; 
• Gərginliyi 10 KV-a qədər olan müxtəlif tipli alçaq və yüksək voltlu elektrik maşın və aparatlarının sökülməsi, təmir edilməsi, yığılması, quraşdırılması və sazlanması; 
• Kabel ucluqlarının və stator dolaqlarının çıxışlarının bərk və yumşaq lehimlə lehimlənməsi; 
• Gərginliyi 1000 V-a qədər və ondan yuxarı olan kabel xətlərində təmir və bərpa işlərinin aparılması, ucluq və birləşdirici  muftaların qoyulması;
• Gərginliyi 1000 V –a qədər və ondan yuxarı olan elektrik avadanlıqlarında qəza vəziyyəti vaxtı operativ əməliyyatların aparılması;
• Elektrik mühərriklərinin sıxac qutularının sökülməsi və təmiri:; 
• Naqillərin qızma və boşluqlarının yoxlanılması; 
• Naqillərdə qızmanın aradan qaldırılması üçün boltların sıxılması; 
• Nasaz olan kabel ucluqlarının sıxılması; Ucluqların dəyişdirilməsi.
• Elektrik mühərriklərinin yastıqlarının sökülməsi və dəyişdirilməsi: 
• Ön yastığın sökülməsi üçün mühərriklərin mexaniki hissə ilə elektrik hissəsini ayıran yarım muftaların sökülməsi; 
• Arxa yastığın sökülməsi üçün soyuducu ventilyatorun sökülməsi; 
• Mühərrikin qapaqlarının sökülməsi; 
• Xüsusi yastıq çıxaran alət vasitəsilə yastığın çıxarılması; 
• Qasnaqların dəyişdirilməsi
• Sıradan çıxmış yastıqların yenisi ilə dəyişdirilməsi 
• İnzibati binaların və iş otaqlarının işıqlandırma sisteminin fasiləsiz işinin təmin edilməsi: 
• İstehsalat sahəsinin normal işıqlandırılmasına nəzarət edilməsi və nasazlıq olduqda təmir edilməsi; 
• Nasaz olan lampaların və patronların dəyişdirilməsi; 
• Elektrik naqillərinin yoxlanması və dəyişdirilməsi;
• Təmir işləri zamanı qaynaq aparatlarının dövrəyə qoşulması və elektrik uzadıcıları ilə təmin edilməsi. 
• Qulluq etdiyi iş sahəsinin yanğın təhlükəli maddələrdən və digər tullantılardan təmizlənməsi.

Tələb olunan bacarıqlar və kvalifikasiyalar: 

• Müxtəlif elektrik maşınlarının, elektrik aparatlarının, gücü və gərginliyi müxtəlif olan cihazların quruluşunu, dəqiqliyinin yoxlanılması üsulları və qaydaları üzrə biliklər
• Teleidarə və avtomatik tənzimlənmənin sxemi üzrə biliklər
• Mürəkkəb məntiqi sxemlərə xidmət bacarıqları
• Elektrik maşınlarının, elektrik aparatları və cihazlarının kompleks sınağı metodları
• Partlayış təhlükəli, yanğın təhlükəli və digər mürəkkəb şəraitlərdə kabel şəbəkələrinin təmiri və montajı bacarıqları
• Elektrik qidalandırıcı şəbəkəsində elektrik avadanlıqları üzrə elektrik sxemlərin və digər texniki sənədlərin tərtib edilməsi qaydaları üzrə biliklər
• Elektrik mühərriklərinin, transformatorlarının kabel və müxtəlif gərginlikli naqil xətlərinin yüklənməsi norması
• Paylayıcı qurğuların birinci və ikinci kommutasiyasının elektrik sxemi 
• Əməyin mühafizəsi, təhlükəsizlik texnikası, istehsalat sanitariyası, yanğından mühafizənin norma və qaydalarını, mülki müdafiə qaydaları üzrə biliklər
• Elektrik avadanlıq-qurğuların istismarı
• Elektrik avadanlıq-qurğularına baxış
• Elektrik avadanlıq-qurğulara qulluq
• Elektrik avadanlıq-qurğularının təmiri
• elektrik avadanlıq-qurğuların sökülməsi
• Əməyin təhlükəsizliyi üzrə biliklər
• sanitariya-gigiyena
• İş növləri və peşələr üzrə SƏTƏM təlimatı
• Yanğının söndürülməsi üsulları və yanğınsöndürmə avadanlıqlarından istifadə qaydaları üzrə biliklər
• Ali təhsil
• Müvafiq sahə üzrə iş təcrübəsi arzuolunandır

İş yeri: Bakı şəhəri (Qala, Maştağa, Buzovna, Zirə qəs.)

Əmək haqqı müsahibə əsasında təyin ediləcəkdir.

Müraciət üçün:

Mövzu hissəsində “Elektrik avadanlıqlarının təmiri və xidməti üzrə elektrik montyoru” yazaraq e-mail ünvanına öz CV-inizi göndərə bilərsiniz.

Yalnız vakansiyaya uyğun gələn namizədlərlə əlaqə saxlanılacaqdır.