Taghiyev Operating Company MMC komandaya, qoşulmaq və neft və qaz əməliyyatlarına töhfə vermək, istehsal proseslərinin optimallaşdırılması, səmərəliliyin artırılması və normativ standartlara uyğunluğun təmin edilməsi üçün mühəndislik prinsipləri və texnologiyalarının tətbiqinə cavabdeh olacaq istedadlı mühəndis-texnoloq axtarışındadır.
Vəzifə öhdəlikləri:
- Neft-mədən obyektlərində qoyulmuş texnoloji iş rejimlərinə riayət edilməsini, istehsalın texnoloji hazırlığını təmin etmək.
- Quyuların və başqa istehsal obyektlərinin texnoloji iş rejimlərinin tərtib edilməsində iştirak etmək.
- Obyektlərin müəyyən olunmuş texnoloji iş rejimlərinə uyğun olaraq istismar edilməsini təmin etmək.
- Neft və qaz hasilatı və məhsuldar laylara işçi agentin vurulmasında texnoloji prosesin pozuntularının qarşısının alınması və aradan qaldırılması üzrə tədbirlər görmək.
- Neft və qaz hasilatı üzrə müəyyən olunmuş tapşırıqların yerinə yetirilməsinə istiqamətləndirilmiş geoloji-texniki tədbirlər işləyib hazırlamaq.
- Neft və qazçıxarma briqadalarının texniki, texnoloji və başqa sənədlərlə vaxtında təmin olunmasını təşkil etmək.
- İstehsalın texnoloji rejimlərinin dəyişməsi və təshihi ilə əlaqədar olaraq texniki sənədlərdə düzəlişlər etmək.
- Başqa bölmələr tərəfindən neft və qazçıxarma sexinə xidmət göstərilməsi üçün sifarişlər tərtib etmək.
- Quyularda, boru kəmərlərində duz çöküntüləri (korroziya) ilə mübarizə üzrə tədbirlər işləyib hazırlamaq və onların yerinə yetirilməsini təmin etmək.
- Quyuların vaxtında təmirə hazırlanmasını təşkil etmək.
- Quyuların yeraltı və əsaslı təmiri, quyudibi zonaya təsir etmə əməliyyatlarının aparılması üçün plan-qrafiklərin (naryad-tapşırıqların) tərtib edilməsində iştirak etmək.
- Neft-mədən obyektlərində yerinə yetirilmiş təmir işlərinin keyfiyyətinə nəzarət etmək.
- Neft və qazın hasilatı, yığılmasının texnoloji proseslərini təhlil etmək və onların təkmilləşdirilməsi üzrə təklifləri işləyib hazırlamaq.
- Neft və qazın hasilatı və yığılmasında yeni texnoloji proseslərin mənimsənilməsi üçün eksperimental işlərin keçirilməsində və onların istehsalatda tətbiqinə, neft-mədən obyektlərinin tikinti layihələrinin müzakirəsində iştirak etmək.
- Texnoloji qurğularda və istismar quyularında baş vermiş qəzaların qeydiyyatını aparmaq.
- Qəzaların səbəblərini təhlil etmək, onların qarşısının alınması və aradan qaldırılması üzrə tədbirlərin işlənib hazırlanmasında iştirak etmək.
- İstehsal mədəniyyəti və səmərəliyinin yüksəldilməsi, təhlükəsiz əmək şəraitinin yaradılması, ətraf mühitin mühafizəsi üzrə tədbirlərin, material, yanacaq, enerji məsrəflərinin texniki əsaslanmış normalarının işlənib hazırlanmasında və tətbiq olunmasında iştirak etmək.
- Material-texniki vəsaitlərdən və nəqliyyatdan səmərəli istifadə olunmasına nəzarət etmək.
Tələb olunan bacarıqlar və kvalifikasiyalar:
- Neft-mədən avadanlıqlarını və onların texniki istismar qaydaları
- Neft və qazçıxarma üzrə istehsal prosesinin texnologiyası
- Quyu tikintisi texnologiyasının əsasları
- Neft-mədən obyektlərində texniki nasazlığın, qəzaların əmələ gəlmə səbəbləri, onların qarşısının alınması və aradan qaldırılması üsulları
- Kompüter texnologiyası, rabitə və digər kommunikasiya vasitələri ilə iş üsulları
- Daxili intizam qaydaları
- Əməyin mühafizəsi, təhlükəsizlik texnikası, yanğından mühafizə, istehsalat sanitariyası qayda və normaları
- Microsoft Word və Excel istifadə etmə bacarığı
- Ali təhsil
- Müvafiq sahə üzrə minimum 2 il iş stajı
- Müvafiq sahə üzrə sertifikatlar arzuolunandır.
İş yeri: Bakı şəhəri (Qala, Maştağa, Buzovna, Zirə qəs.)
Əmək haqqı müsahibə əsasında təyin ediləcəkdir.
Müraciət üçün:
Mövzu hissəsində “Mühəndis-texnoloq” yazaraq e-mail ünvanına öz CV-inizi göndərə bilərsiniz.
Yalnız vakansiyaya uyğun gələn namizədlərlə əlaqə saxlanılacaqdır.
