Vəzifə öhdəlikləri:

Təchizatçı seçimi və idarəetməsi 

• Etibarlı təchizatçılar və xidmət təminatçıları tapmaq, qiymətləndirmək və seçmək. 
• Keyfiyyət və təminat üçün təchizatçılarla güclü münasibətlər qurmaq. 
• Yeni təchizatçılar, alternativ mal və xidmət mənbələri tapmaq üçün bazar araşdırması aparmaq.

Təchizat prosesləri 

• Satınalma tələblərini emal etmək, satınalma sifarişlərini vermək və şirkət siyasətinə uyğun olaraq təsdiqləri idarə etmək. 
• Malların və xidmətlərin vaxtında təhvil alınmasını təmin etmək üçün çatdırılmaların izlənməsi və təqib edilməsi. 
• Təchizat sənədlərini, o cümlədən müqavilələr, fakturalar və təhvil sənədlərini idarə etmək. 
• Sənədlərin təhvil verilməsi, müvafiq imzaların alınması, surətinin çıxarılması və təchizat sənədlərinin səmərəli şəkildə arxivləşdirilməsi. 
• Malların təhvil verilməsini sürətləndirmək üçün təchizatçılarla əlaqə saxlamaq. 
• Sifarişləri başlatmaq və izləmək.

Xərc idarəetməsi 

• Təchizatçılarla qiymətləri, şərtləri və müqavilə müddəalarını müzakirə edərək ən yaxşı dəyəri əldə etmək. 
• Satınalma fəaliyyətlərinin büdcəyə uyğunluğunu izləmək və hesabatlar təqdim etmək.

Müqavilə idarəetməsi 

• Təchizatçılarla müqavilələrin hazırlanmasına və nəzərdən keçirilməsinə kömək etmək, hüquqi və şirkət standartlarına uyğunluğunu təmin etmək. 
• Təchizatçı ilə müqavilə uzadılması, yenilənməsi və dayandırılması məsələlərini idarə etmək. 
• Təchizatçı performansını izləmək və müqavilə şərtlərini tətbiq etmək.

Keyfiyyətə nəzarət 

• Əldə olunan malların və xidmətlərin müəyyən edilmiş keyfiyyət standartlarına cavab verdiyini təmin etmək. 
• Daxili şöbələrlə əlaqə quraraq təchizatçılardan yaranan keyfiyyət məsələlərini həll etmək.

Hesabatlıq və təhlil 

• Alınan malların, xərclərin, çatdırılma vaxtlarının və təchizatçı performansının dəqiq qeydlərini saxlamaq. 
• Qərar qəbul etməyi dəstəkləmək və prosesləri yaxşılaşdırmaq üçün satınalma hesabatları və təhlilləri hazırlamaq.

Əməkdaşlıq 

• Maliyyə, əməliyyatlar və logistika kimi komandalarla sıx əməkdaşlıq edərək satınalmaları təşkilatın ehtiyaclarına uyğunlaşdırmaq. 
• Satınalma siyasətləri və prosedurlarının inkişafına və tətbiqinə dəstək vermək.

Kompetensiyalar:

• Satınalma Bilikləri: Satınalma prosesləri, siyasətləri və ən yaxşı təcrübələr haqqında dərindən anlayış. Təchizatçı seçimi, müqavilə idarəetməsi və qiymətləndirmə barədə bilik. 
• Veri Təhlili: Xərclər, təchizatçı performansı və bazar tendensiyaları ilə bağlı verilənləri təhlil etmə bacarığı. 
• Danışıqlar Bacarığı: Qiymətləri, şərtləri və müqavilələri müzakirə edərək xərcləri azaldan və əlverişli şərtləri əldə edən bacarıq. 
• Təchizat Zənciri İdarəetməsi: Təchizat zənciri prosesləri, o cümlədən logistika və inventar idarəetməsi haqqında bilik.

Tələblər: 

• İqtisadiyyat, biznesin idarə edilməsi, təchizat zənciri və ya əlaqəli sahə üzrə bakalavr dərəcəsi. 
• Satınalma və ya təchizat zənciri sahəsində ən azı 2 il təcrübə. 
• Satınalma prosesləri barədə güclü anlayış. 
• Yaxşı təşkilatçılıq və çox vəzifəli iş bacarıqları. 
• Satınalma proqramları və ERP sistemləri (məsələn: SAP, Oracle) ilə tanışlıq. 
• MS Office proqramlarında, xüsusilə Excel-də verilənlər təhlilini yaxşı bacarmaq. 
• Güclü danışıqlar və ünsiyyət bacarıqları. 
• Diqqətlilik və təşkilatçılıq qabiliyyətləri. 
• Analitik düşüncə və problemləri effektiv şəkildə həll etmə bacarığı. 
• İdarəetmənin rəhbərliyi altında işləmə qabiliyyəti. 
• İngilis dili bilikləri vacibdir; rus dili əlavə üstünlükdür.

İş şəraiti:

• İş saatları: tam zamanlı 5/2 ofis rejimi, Bakı şəhəri. 
• Əməkhaqqı: namizədin təcrübəsindən asılı olaraq təyin ediləcək. 
• Ünvan: Ü.Hacıbəyov küç. 57, Azinko binası.

Bizim komandaya qoşulmaq istəyən namizədlərdən xahiş olunur ki,  cv-ni "Satınalma üzrə Mütəxəssis"  mövzu hissəsində qeyd etməklə elektron poçtuna göndərsinlər. 

Komandamıza qoşulmağınızı gözləyirik!