“VLand Systems” MMC (əvvəlki adı “STP Metal Structures” MMC)

Vəzifə öhdəlikləri:

• Şirkətdə daxili audit funksiyasının sıfırdan qurulmasını təmin etmək (strukturun formalaşdırılması, audit nizamnaməsinin hazırlanması, hesabatlılıq mexanizmlərinin yaradılması) və funksiyanın davamlı inkişafını təşkil etmək; 
• Daxili audit siyasət və prosedurlarını hazırlamaq və onların beynəlxalq audit standartlarına uyğunluğunu təmin etmək; 
• Şirkət üzrə risk xəritəsini formalaşdırmaq, risklərin qiymətləndirilməsi metodologiyasını hazırlamaq və risk əsaslı audit planını tərtib etmək; 
• Əsas biznes prosesləri üzrə daxili nəzarət sistemlərini qiymətləndirmək və effektivliyini artırmaq üçün tövsiyələr vermək; 
• Maliyyə, əməliyyat və digər sahələr üzrə illik audit planının hazırlanmasını, icrasını və nəticələrin sənədləşdirilməsini təmin etmək, audit hesabatlarını hazırlayaraq rəhbərliyə təqdim etmək; 
• Aşkarlanmış uyğunsuzluqlar üzrə düzəldici və önləyici tədbirlərin icrasına nəzarət etmək, onların effektivliyini qiymətləndirmək və izləmə (follow-up) mexanizmini qurmaq; 
• Audit nəticələri əsasında biznes proseslərinin optimallaşdırılması və səmərəliliyin artırılması üçün strateji tövsiyələr hazırlamaq və onların icrasına nəzarət etmək; 
• Daxili audit komandasını formalaşdırmaq, idarə etmək və effektiv fəaliyyətini təmin etmək; 
• Audit proseslərində rəqəmsal alətlərdən və data analitika yanaşmalarından istifadəni tətbiq etmək və inkişaf etdirmək; 
• Audit fəaliyyətinə dair sənədləşmə sistemini formalaşdırmaq və audit sübutlarının sistemli şəkildə düzgün saxlanılmasını təmin etmək;
• Şirkətin daxili siyasət və prosedurlara, eləcə də qüvvədə olan qanunvericiliyə uyğunluğunu monitorinq etmək; 
• Xarici auditorlar və digər nəzarət orqanları ilə əməkdaşlıq etmək; 
• Daxili audit funksiyasının davamlı inkişafını və effektivliyini təmin etmək; 
• Rəhbərlik və struktur bölmələrlə sıx əməkdaşlıq edərək risk əsaslı düşüncə və daxili nəzarət mədəniyyətinin formalaşdırılmasına töhfə vermək, əməkdaşların bu istiqamətdə maarifləndirilməsini təmin etmək;
• Şirkət daxilində dələduzluq risklərinin müəyyən edilməsi, qarşısının alınması və aşkarlanmasına yönəlmiş nəzarət mexanizmlərini qurmaq və təkmilləşdirmək.

Namizədə aid tələblər:

• İqtisadiyyat, maliyyə, mühasibat uçotu, audit, və ya əlaqəli sahə üzrə ali təhsil;
• Beynəlxalq peşəkar sertifikatların olması üstünlükdür (məsələn: ACCA, CFA, CIA və s.);
• Daxili audit, risklərin idarə edilməsi və ya daxili nəzarət sahəsində əlavə təlimlər arzuolunandır;
• Daxili və ya xarici audit sahəsində minimum 3-5 il iş təcrübəsi (istehsalat və ya sənaye sektorunda təcrübə üstünlükdür);
• Komanda idarəetməsi üzrə ən azı  3-5 il rəhbərlik təcrübəsi;
• Risklərin qiymətləndirilməsi və daxili nəzarət sistemlərinin qurulması üzrə təcrübə;
• Maliyyə hesabatlarının təhlili və uyğunsuzluqların aşkar edilməsi bacarığı; 
• ERP sistemləri ilə işləmə təcrübəsi;
• MS Office proqramlarında (xüsusilə Excel) yüksək səviyyədə işləmə bacarığı;
• Analitik düşüncə və detallara diqqət;
• Yüksək etik davranış və məxfilik prinsiplərinə riayət; 
• Effektiv ünsiyyət və təqdimat bacarıqları; 
• Problemlərin həlli və qərarvermə qabiliyyəti; 
• Vaxtın effektiv idarə olunması və prioritetləşdirmə bacarığı;
• Azərbaycan dili – sərbəst, İngilis dili – yaxşı səviyyədə (yazılı və şifahi), Rus dili – üstünlükdür.

İş şəraiti:

• 5 günlük iş qrafiki; 08:00-17:00
• İş yeri: Sumqayıt şəhəri;
• Könüllü tibbi sığorta təminatı;
• Korporativ nömrə;
• Nahar və nəqliyyat şirkət tərəfindən təmin olunur;
• Əmək haqqı müsahibə əsnasında namizədin bilik və bacarıqlarına uyğun olaraq təyin ediləcəkdir.

Tələblərə uyğun namizədlər CV formalarını Müraciət et düyməsində qeyd olunan elektron poçt ünvanına, mövzu hissəsinə “Daxili Audit Meneceri” yazaraq göndərə bilərlər. Yalnız tələblərə uyğun namizədlər müsahibəyə dəvət olunacaq.