Biz kimi axtarırıq?

Əgər sən:

• Maliyyə texnologiyaları sahəsində çalışmaq və peşəkar komandamızla birlikdə inkişaf etmək istəyirsənsə,
• Yaradıcı yanaşmanı sevir və çətinliklərdən çəkinmirsənsə,
• Mürəkkəb məsələləri sadə və anlaşılan edə bilirsənsə,
• Bazardan bir addım öndə olan layihələrdə iştirak etmək arzusundasansa,

Deməli, sən bizim axtardığımız namizədsən!

Səni nələr gözləyir?

• Biznes üçün innovativ ödəniş həlləri hazırlamaq və tətbiq etmək.
• Visa, MasterCard, American Express tərəfindən sertifikatlaşdırılmış ən qabaqcıl texnologiyalarla, eləcə də TOP banklar və aparıcı beynəlxalq və yerli brendlərlə işləmək.
• E-commerce həlləri, ödəniş platformaları və xidmətlər yaratmaq.
• İnnovasiyaları tətbiq etmək və komandamızla birlikdə ödənişləri daha sürətli, etibarlı və təhlükəsiz etmək.
• Bazarın önündə olmaq və sənayeni dəyişəcək yeni ideyalar təklif etmək.

Səndən gözləntilərimiz:

• Şirkətin daxili nəzarət sistemini təşkil etmək və onun səmərəliliyini təmin etmək.
• Daxili nəzarət tədbirlərinin planlaşdırılması və icrasını təmin etmək.
• Müvafiq daxili qaydaların, prosedurların və nəzarət mexanizmlərinin tətbiqini həyata keçirmək.
• Şirkət fəaliyyətlərinin Azərbaycan Respublikasının qanunvericiliyinə və daxili qaydalarına uyğunluğunu təmin etmək.
• “Cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı mübarizə haqqında” qanunun tələblərinə uyğun siyasət və tədbirlər həyata keçirmək.
• Şübhəli əməliyyatların aşkarlanması və onların dayandırılması üçün prosedurların tətbiqini təmin etmək.
• Risklərin qarşısını almaq üçün effektiv nəzarət mexanizmlərini təşkil etmək.
• Risklərin minimuma endirilməsi üçün rəhbərliyə təkliflər vermək.
• Şirkət daxilində korrupsiya, dələduzluq (fraud) və digər hüquq pozuntuları ilə bağlı təhqiqatlar aparmaq.
• Aşkar edilən pozuntularla bağlı müvafiq tədbirlərin görülməsini təmin etmək və nəticələr haqqında rəhbərliyə məlumat vermək.
• Maliyyə əməliyyatlarının və iş proseslərinin davamlı monitorinqini aparmaq.
• Aylıq, rüblük və illik hesabatları hazırlamaq və direktoruna təqdim etmək.
• Daxili nəzarət tədbirlərinin nəticələrinə dair müvafiq məlumatları struktur bölmələr və rəhbərliklə bölüşmək.
• Şöbənin fəaliyyətinə dair təhlilləri və statistik məlumatları hazırlamaq.
• Şirkətin maliyyə və digər resurslarının səmərəli və təyinatı üzrə istifadəsinin təmin edilməsinə nəzarət etmək
• İstifadə olunan resurslarda israfçılığın və ya sui-istifadə hallarının qarşısını almaq.
• Resurslarla bağlı mümkün çatışmazlıqları və təklifləri rəhbərliyə bildirmək.
• Şirkət əməkdaşlarına daxili nəzarət və uyğunluq prosedurlarını izah edən təlimlər keçmək.
• İşçiləri korrupsiya və dələduzluğa qarşı mübarizə yolları barədə məlumatlandırmaq.
• Şöbə əməkdaşlarının peşəkar inkişafını təmin etmək üçün təlim planları təşkil etmək.
• Şirkətin digər struktur bölmələri ilə qarşılıqlı əməkdaşlığı təmin etmək.
• Müvafiq hallarda kənar mütəxəssislərin və ya audit qruplarının işə cəlb olunmasını təklif etmək.
• Qanunvericilik orqanları və nəzarət qurumları ilə koordinasiyanı təmin etmək.

Tələblər:

• Təhsil: İqtisadiyyat, Hüquq, Maliyyə və ya digər uyğun sahədə ali təhsil.
• İş təcrübəsi: Minimum 5 il (rəhbər vəzifədə minimum 3 il). Komplayns, daxili nəzarət, audit və risk sahələrində bank təcrübəsi üstünlük sayılır.
• Bank işi və müvafiq sahə üzrə yerli təcrübəyə üstünlük verilir.
• Lisenziya / Sertifikat: Komplayns və ya audit sahəsində sertifikatların mövcudluğu üstünlükdür (CAMS).
• Dil bilikləri: Azərbaycan və Rus dili sərbəst, ingilis dili (arzuolunandır)
• Microsoft Office proqramlarında sərbəst işləmək bacarığı.
• Azərbaycan Mərkəzi Bankının qayda, təlimat, qərar və sərəncamlarından, habelə digər müvafiq qanunvericilik sənədlərindən (Mülki Məcəllə, Vergi Məcəlləsi və s.) məlumatlı olmalıdır.
• Məhsul şəxsi səlahiyyətlərində icra edəcək.

Biz nə təklif edirik?

• Rəqabətədavamlı əməkhaqqı.
• Peşəkar mühit: Mərkəzdə yerləşən, müasir tələblərə cavab verən rahat ofis, həftədə 5 iş günü (09:00-18:00).
• Rəsmi işə qəbul: Azərbaycan qanunvericiliyinə uyğun əmək müqaviləsi.
• Peşəkar və karyera inkişafı üçün imkanlar. 
• Daima dəstək olan və kömək etməyə hazır peşəkar komanda.
• Bazarın inkişafına yönəlmiş innovativ layihələr üzərində işləmək imkanı!

Əgər biz sənin haqqında danışırıqsa – bizə yaz! CV-ni Müraciət et düyməsində qeyd olunan elektron poçt ünvanına göndər.

YIĞIM Payment System-ə qoşul və fintexin gələcəyini bizimlə birlikdə qur!