Vəzifənin məqsədi:

• Təşkilatın inzibati binasında təhlükəsizliyin təmin edilməsi, giriş-çıxış rejiminə nəzarət, təhlükəsizlik sistemlərinin fasiləsiz monitorinqi, mümkün insidentlərin vaxtında aşkarlanması və müəyyən edilmiş prosedurlara uyğun ilkin tədbirlərin görülməsi.

Əsas vəzifə öhdəlikləri:

• Binaya daxil olan və binanı tərk edən əməkdaşların, ziyarətçilərin və digər şəxslərin giriş-çıxışına müəyyən edilmiş qaydalar əsasında nəzarət etmək;
• Şəxslərin qeydiyyatı, giriş icazələrinin yoxlanılması və buraxılış rejiminin tələblərinə əməl olunmasını təmin etmək;
• Videomüşahidə, girişə nəzarət, müdaxilə siqnalizasiya və yanğın siqnalizasiya sistemlərinin göstəricilərini izləmək;
• Müəyyən edilmiş marşrut və qrafiklər üzrə müşahidə və yoxlama tədbirlərini həyata keçirmək;
• Şübhəli davranışları, icazəsiz giriş cəhdlərini, təhlükəsizlik qaydalarının pozulmasını və texniki nasazlıqları vaxtında aşkar etmək, dərhal növbə rəhbərinə məlumat vermək;
• İnsidentlər zamanı təsdiq edilmiş prosedurlara uyğun ilkin tədbirlər görmək, zərurət yarandıqda müvafiq operativ xidmətlərlə əlaqələndirməni təmin etmək;
• Yanğın, fövqəladə hal və təxliyə zamanı müəyyən edilmiş təhlükəsizlik prosedurlarına uyğun hərəkət etmək;
• Təhlükəsizlik hadisələrini, növbə ərzində görülmüş tədbirləri və aşkar edilmiş çatışmazlıqları müvafiq jurnallarda və ya elektron sistemlərdə qeyd etmək;
• Növbənin təhvil-təslimini müəyyən edilmiş qaydada həyata keçirmək;
• Xidməti məlumatların məxfiliyini qorumaq, daxili qaydalara və peşəkar davranış standartlarına riayət etmək;
• Rəhbərlik tərəfindən vəzifə funksiyalarına uyğun verilən digər tapşırıqları yerinə yetirmək.

Namizədə dair tələblər:

• Azərbaycan Respublikası vətəndaşı olmaq;
• Kişi namizədlər üçün müddətli həqiqi hərbi xidməti keçmiş olmaq;
• Mühafizə və təhlükəsizlik sistemləri ilə işləmək, müşahidə və məlumatların qeydiyyatını aparmaq bacarığı;
• Kompüterdən və gündəlik ofis proqramlarından istifadə bacarığı;
• Yanğın təhlükəsizliyi və fövqəladə hallar zamanı davranış qaydaları barədə məlumatlı olmaq;
• Yüksək diqqətlilik, məsuliyyətlilik, intizamlılıq və etibarlılıq;
• Gərgin vəziyyətlərdə təmkinli davranmaq, düzgün qərar qəbul etmək və təlimatlara uyğun hərəkət etmək bacarığı;
• Komandada işləmək və əməkdaşlarla, ziyarətçilərlə nəzakətli ünsiyyət qurmaq bacarığı;
• Növbəli, o cümlədən gecə qrafiki ilə işləməyə hazır olmaq;
• Sağlamlıq və digər uyğunluq tələblərinə cavab vermək:
• Boy: kişilər üçün minimum 175 sm, qadınlar üçün minimum 165 sm;
• Bədən kütləsi indeksi (BKİ): 18,5–29,9 aralığında olmalıdır; bu hədddən kənarlaşma tibbi rəy əsasında dəyərləndirilir;

Üstünlük hesab edilən meyarlar:

• Ali təhsil;
• Təhlükəsizlik və ya mühafizə sahəsində 1–3 il iş təcrübəsi;
• İri ofis binalarında, korporativ və ya institusional mühitdə mühafizə təcrübəsi;
• Hüquq-mühafizə, fövqəladə hallar və ya müvafiq təhlükəsizlik sahələrində iş təcrübəsi;
• İlk yardım və yanğın təhlükəsizliyi üzrə müvafiq təlim və ya sertifikatlar;
• İngilis və/və ya rus dili biliyi.

Biz təklif edirik:

• Rəsmi əmək müqaviləsi və sabit əmək haqqı;
• Qanunvericiliyə uyğun illik ödənişli məzuniyyət;
• Könüllü tibbi sığorta;
• İdman zallarına üzvlük paketi.

Vakansiya həm kişi, həm də qadın namizədlər üçün açıqdır.

Maraqlanan namizədlər öz CV-lərini Müraciət et düyməsində qeyd olunan formu dolduraraq göndərə bilərlər.